The news is by your side.

Advertisement

رمیز راجہ نے عمران خان کے ساتھ یادگار تصویر شیئر کردی

کراچی: سابق کرکٹر اور کمنٹیٹر رمیز راجہ نے وزیراعظم عمران خان کی کپتانی میں جیتے گئے 1992 کے ورلڈ کپ کی یادگار تصویر سوشل میڈیا پر شیئر کردی۔

قومی ٹیم کے سابق کپتان رمیز راجہ نے سماجی رابطے کی ویب سائٹ ٹویٹر پر میلبورن کرکٹ گراؤنڈ کی ایک یادگار تصویر شیئر کی جو 1992 ورلڈ کپ کے دوران لی گئی تھی۔

شیئر کی گئی تصویر میں رمیز راجہ سمیت ٹیم کے دیگر کھلاڑی وزیراعظم عمران خان کی سربراہی میں ٹریننگ کررہے ہیں۔

رمیز راجہ نے اپنے ٹویٹ میں لکھا کہ ’ہم نے 92 ورلڈ کپ کے ٹریننگ سیشن میں میلبورن گراؤنڈ میں کپتان عمران خان کی سربراہی میں 5 راؤنڈ لگائے تھے۔

واضح رہے کہ قومی ٹیم نے پہلی مرتبہ 1992 میں آسٹریلیا اور نیوزی لینڈ میں ہونے والے میگا ایونٹ میں ورلڈ چیمپئن بننے کا اعزاز حاصل کیا تھا۔

اس وقت قومی ٹیم کی قیادت موجودہ وزیراعظم عمران خان کررہے تھے جہاں گرین شرٹس نے پہلی مرتبہ ورلڈ کپ کی ٹرافی تھامی تھی۔

Comments

یہ بھی پڑھیں