The news is by your side.

رمیز راجہ نے سرفراز کی جگہ حارث کو شامل کرنے کی وجہ بتادی

پاکستان کرکٹ بورڈ (پی سی بی) کے چیئرمین رمیز راجا کا کہنا ہے کہ ٹی 20 ورلڈ کپ کے لیے قومی اسکواڈ میں سرفراز احمد کی جگہ نوجوان وکٹ کیپر محمد حارث کو شامل کرنے کا فیصلہ درست لگتا ہے۔

پی سی بی کے چیئرمین رمیز نے ’پی سی بی فینز فورم ود رمیز‘ کے ذریعے کرکٹ شائقین سے بات چیت کرتے ہوئے سرفراز کی آئی سی سی ٹی ٹوئنٹی ورلڈ کپ کے لیے قومی دستے میں انتخاب کے حوالے سے سوال کا جواب دیتے ہوئے کہا کہ مستقبل پر توجہ مرکوز کرنے کا منصوبہ ہے۔

انہوں نے سابق کپتان سرفراز کی خدمات کا اعتراف کیا لیکن ٹیم کے مستقبل کی خواہشات پر زور دیا اور اس لیے اسے ‘مشکل فیصلہ’ قرار دیا۔

کیا شعیب ملک اور سرفراز کا کیرئیر ختم ہوگیا؟

رمیز راجا نے کہا، "سرفراز احمد کو پاکستان کے لیے خدمات کی وجہ سے ڈراپ کرنا مشکل ہے لیکن ہم مستقبل کے لیے منصوبہ بندی کر رہے ہیں۔ حارث کو سرفراز کی جگہ ٹیم میں مستقبل کے منصوبوں کو مدنظر رکھتے ہوئے منتخب کیا گیا ہے۔

انہوں نے کہا کہ میں چیف سلیکٹر نہیں ہوں لیکن یہ فیصلہ میرے لیے جائز معلوم ہوا کیونکہ حارث بہت باصلاحیت کھلاڑی ہیں۔

واضح رہے کہ کہ 14 ستمبر کو قومی اسکواڈ کے اعلان سے قبل سابق کپتان سرفراز کو دوبارہ ٹیم میں شامل کرنے کے حوالے سے مختلف افواہیں گردش کر رہی تھیں۔

حتمی اسکواڈ میں تاہم 35 سالہ وکٹ کیپر کو شامل نہیں کیا گیا کیونکہ حارث کو ٹیم کے مستقل وکٹ کیپر بلے باز محمد رضوان کے متبادل کے طور پر ریزرو کھلاڑیوں میں شامل کیا گیا تھا۔

Comments

یہ بھی پڑھیں