اسلام آباد : وفاقی وزیرداخلہ راناثنااللہ نے چیئرمین پی ٹی آئی پر تنقید کرتے ہوئے کہا کہ عمران نیازی کی امریکا سے اوپر سے لڑائی ہے، اندر سے یہ بھائی بھائی ہیں۔
تفصیلات کے مطابق وفاقی وزیرداخلہ راناثنااللہ نے اپنے بیان میں پی ٹی آئی چیئرمین عمران خان کو مخاطب کرتے ہوئے کہا ک پہلے امریکی لابی فرموں سے تو حقیقی آزادی حاصل کرلو، امریکا سے نہیں ڈرتا جان کو خطرہ ہے، امریکا نے سازش نہیں کی تک کے جھوٹ سے نیا جھوٹ نکلے گا۔
راناثنااللہ کا کہنا تھا کہ عمران خان آئین، قانون اورسچائی ، توشہ خانہ، فارن فنڈنگ،ٹیریان نیازی کیسز سے حقیقی آزادی چاہتاہے، ہر ادارے اور اس کے سربراہ کو اپناغلام بنانے کی حقیقی آزادی چاہتا ہے۔
وزیرداخلہ نے کہا کہ اس کی حقیقی آزادی کے مناظر ڈی چوک پر پوری قوم پہلے ہی دیکھ چکی ہے، یہ ایک بار پھر ملک میں لوٹ مار کی حقیقی آزادی چاہتا ہے۔
ان کا مزید کہنا تھا کہ عمران نیازی کی امریکاسےاوپرسےلڑائی ہے،اندرسےبھائی بھائی ہیں، غداروطن مینارپاکستان جیسی پاک جگہ کو جھوٹ کیلئے استعمال کررہاہے۔
رانا ثنااللہ نے کہا کہ پاکستان کیخلاف کام کرنیوالے ایجنٹ کو مینارپاکستان پرجلسے کی اجازت نہیں ہونی چاہیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں