The news is by your side.

Advertisement

مولانا فضل الرحمن گھرمیں تابعدارشوہرہیں ،رانا ثناءاللہ

لاہور : پنجاب کے وزیر قانون رانا ثناء اللہ نے کہا ہے کہ مولانا فضل الرحمان باہر آکر جاہ و جلال دکھاتے ہیں گھر میں تابعدار شوہرہیں ۔ یہ بات انہوں نے لاہورمیں علما ء کرام کے ساتھ پریس کانفرنس کرتے ہوئے کہی۔

رانا ثنا اللہ نے کہا کہ علماء کرام غور وفکر کے بعد تجاویزدے کر ہماری رہنمائی فرمائیں ۔ان کا کہنا تھا کہ کڑا سسٹم زیادتی اور تیزاب گردی کرنے والے ملزمان کے لئے ہے ،اس کا اطلاق ہر باپ ،بھائی اور بیٹے پر نہیں ہوگا۔

ان کا کہنا تھا کہ تحفظ حقوق نسواں بل میں 7ترامیم حکومت جبکہ ایک ترمیم جماعت اسلامی کے ڈاکٹر وسیم کی جانب سے شامل کی گئی۔

رانا ثنا اللہ نےبتایا کہ تحفظ حقوق نسواں بل میں ترمیم کا فیصلہ ہو چکا ہے ،مولانا فضل الرحمن کو کڑا پہننے سے استثنیٰ مل جائے گا۔

یاد رہے کہ پنجاب اسمبلی سےمنظورہونے والے بل میں کہا گیا ہے کہ خواتین کو تنگ کرنے والے شخص کے ہاتھ میں کڑا پہنادیا جائےگا۔

 

Print Friendly, PDF & Email

Comments

comments

یہ بھی پڑھیں