site
stats
پاکستان

منصوبوں میں ٹوٹ پھوٹ سے حکومت کا غلط تاثر قائم ہورہا ہے، رانا ثناء اللہ

فیصل آباد : وزیر قانون پنجاب رانا ثناء اللہ نے کہا ہے کہ وزیراعظم یا وزیراعلیٰ کی طرف سے کسی بھی منصوبے کا افتتاح کرنے کے بعد اس میں ٹوٹ پھوٹ سامنے آنے سے حکومت پر برا تاثر پڑ رہا ہے۔

فیصل آباد میں جھال خانوآنہ فلائی اوور کا غیر رسمی افتتاح کرنے کے موقع پر میڈیا سے گفتگو کرتے ہوئے رانا ثناء اللہ کا کہنا تھا کہ وزیراعلیٰ شہباز شریف عید کے بعد اس منصوبے کا باقاعدہ افتتاح کریں گے۔

انہوں نے مزید کہا کہ کسی بھی منصوبے  ٹوٹ پھوٹ کے باعث برا تاثر پڑنے سے بچانے کے لیے غیر رسمی افتتاح کیا گیا ہے۔ الطاف حسین کے سیاسی کردار کے خاتمے کے سوال پر رانا ثناء اللہ کا کہنا تھا کہ کسی سیاسی لیڈر یا جماعت کا کردار زبردستی ختم نہیں کیا جا سکتا ۔

انہوں نے کہا کہ عمران خان کے رچائے ہوئے پاجامہ لیکس کے ڈرامے کا کوئی قانونی پہلو نہیں ہے، عمران خان کی آف شور کمپنی کے بعد اب اس کا اخلاقی اور سیاسی وجود بھی ختم ہو گیا ہے۔

خواتین پر تشدد بل کے حوالے سے رانا ثناء اللہ کا کہنا تھا کہ ’’کیا مولانا شیرانی خود دیکھیں گے کہ کسی خاتون پر ہلکا یا بھاری تشدد ہوا ہے‘‘؟انہوں نے کہا کہ پاکستان کے برسوں پرانے مسئلے کو حکومت نے حل کرلیا ہے، اس بار پورے ملک میں ایک ساتھ رمضان المبارک کا آغاز ہوگا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top