site
stats
پاکستان

عمران خان جمہوریت دشمن قوتوں کامہرہ ہے، رانا ثناء اللہ

لاہور : پنجاب کے وزیر قانون راناثناءاللہ نے کہا ہے کہ نواز شریف کیخلاف سازش دیوار پر لکھی ہوئی نظر آرہی ہے، کوئی ادارہ ملک دشمن نہیں ہوتا، کچھ لوگ ہوتےہیں، عمران خان جمہوریت دشمن قوتوں کامہرہ ہے۔

ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کہی، انہوں نے کہا کہ نواز شریف پر جمہوریت دشمن قوتیں اپنا بھرپور وارکررہی ہیں۔

انہوں نے کہا کہ کوئی ادارہ ملک دشمن نہیں ہوتا، کچھ لوگ ہوتے ہیں، سازش دیوارپرلکھی ہوئی نظرآرہی ہے، عمران خان جمہوریت دشمن قوتوں کامہرہ ہے، عمران کے پیچھے عوامی حاکمیت کو تسلیم نہ کرنے والی قوتیں ہیں۔

راناثناءاللہ نے کہا کہ نواز شریف کو نااہل قرار دینے والا سپریم کورٹ کا فیصلہ سول بالادستی کے خلاف ہے، ججوں کے فیصلے کوعوام نے تسلیم نہیں کیا، سول بالادستی کو روکنے کی کوشش کی جارہی ہے، سپریم کورٹ کے فیصلے کو تاریخ کو جج کرنے دیں۔

انہوں نے کہا کہ پارلیمنٹ سب کچھ کرسکتی ہے، پارلیمنٹ نااہل کرنے والوں کو بھی نااہل کرسکتی ہے، ایک سوال کے جواب میں ان کا کہنا تھا کہ نوازشریف خونی انقلاب کی بات نہیں بلکہ آئینی انقلاب کی بات کررہےہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top