The news is by your side.

Advertisement

عمران خان احتساب ریلی عید کے بعد نکال لیں، رانا ثناء اللہ

لاہور : صوبائی وزیر قانون رانا ثنااللہ نے کہا ہے کہ عمران خان ریلی عید کے بعد نکال لیں۔ یہ بات انہوں نے  ایوان وزیراعلیٰ ہاؤس میں زعیم قادری کے ہمراہ مشترکہ پریس کانفرنس سے خطاب کرتے ہوئے کیا۔

اس موقع پرصوبائی وزیرقانون نے کہا کہ مصدقہ اطلاعات موجود تھیں کہ دہشت گرد سانحہ کوئٹہ کے بعد پشاور اور لاہور میں کارروائیاں کر سکتے ہیں۔

عمران خان سے درخواست کریں گے کہ وہ اپنی ریلی عید کے بعد کر لیں، انہوں نے مشورہ دیا کہ عمران خان کل ریلی نکالنے کی بجائے پشاور اور مردان کے زخمیوں کی عیادت کریں۔

ان کا کہنا تھا کہ دہشت گردی کے خدشے کے باوجود ریلی روکنے کے لیے طاقت کا استعمال نہیں کرسکتے، عمران خان سے درخواست کریں گے کہ کراچی کے لیڈر کی طرح پاگل پن کا مظاہرہ بند کردیں۔

ان کا کہنا تھا کہ کل کی ریلی کو مکمل سیکیورٹی فراہم کریں گے اس سلسلے میں کمشنر اور ڈی سی او اپنی اپنی سطح پر اقدامات کر رہے ہیں۔

 

Print Friendly, PDF & Email

Comments

comments

یہ بھی پڑھیں