وفاقی وزیر داخلہ رانا ثنا اللہ نے ملک کی معاشی صورتحال پر معنی خیز تبصرہ کرتے ہوئے کہا ہے کہ وہ بھگتیں، معیشت کا بھٹہ ہم نے نہیں بٹھایا تو ذمے داری کیوں لیں۔
وفاقی وزیر داخلہ رانا ثنا اللہ نے ملک کی ابتر معاشی صورتحال پر سماجی رابطوں کی ویب سائٹ ٹوئٹر پر معنی خیز ٹوئٹ کیا ہے۔
وزیر داخلہ رانا ثنا اللہ نے اپنے ٹوئٹ میں کسی کا بھی نام لیے بغیر کہا ہے کہ اگر ہمیں کام کرنے سے روکا جائے گا، ہاتھ پاؤں باندھے جائیں گے، کارکردگی پر شکوک کا اظہار کیا جائیگا تو پھر سیدھی بات ہے کہ وہ ذمے دار ہیں۔
اگر ہمیں کام کرنے سے روکا جائے گا، ہمارے ہاتھ پاؤں باندھے جائیں گے اور پرفارمنس پر شکوک کا اظہار کیا جائے گا تو پھر بڑی سیدھی بات ہے کہ جو ذمہ دار ہیں وہ بھگتیں، معیشت کا بھٹہ ہم نے نہیں بٹھایا تو ذمہ داری کیوں لیں۔ ہم اتحادیوں سے مشاورت کے بعد عوام سے رجوع کریں گے۔
— Rana SanaUllah Khan (@RanaSanaullahPK) May 21, 2022
رانا ثنااللہ نے اپنے ٹوئٹ میں مزید کہا کہ وہ بھگتیں، معیشت کا بھٹہ ہم نے تو نہیں بٹھایا تو پھر ذمے داری کیوں لیں، ہم اتحادیوں سے مشاورت کے بعد عوام سے رجوع کریں گے۔
واضح رہے کہ منحرف ارکان اور میگا کیسز کے حوالے سے عدالتی فیصلوں کے بعد ن لیگ نے حکومت چھوڑنے کے لئے اتحادیوں سے پھر مشاورت کا آغاز کردیا ہے۔
یہ بھی پڑھیں: مسلم لیگ ن کی حکومت چھوڑنے کے لئے اتحادیوں سے پھر مشاورت
ذرائع کا کہنا ہے کہ گزشہ دو روز میں وزیراعظم آفس میں حکومتی اتحادیوں کی طویل میٹنگز ہوئیں ، جس میں اتحادیوں کی اکثریت نے حکومت سے نکلنےکی مشروط حمایت کی۔
