rana جس نے نوازشریف کا ساتھ چھوڑا، لوگ اسے جوتے ماریں گے، رانا ثناءاللہ
The news is by your side.

Advertisement

جس نے نوازشریف کا ساتھ چھوڑا، لوگ اسے جوتے ماریں گے، رانا ثناءاللہ

لاہور : پنجاب کے وزیر قانون اور رہنما مسلم لیگ نون رانا ثناء اللہ نے کہا ہے کہ جو نوازشریف کو چھوڑے گا، حلقے کے لوگ اسے جوتے ماریں گے، ن لیگ میں اختلافات کےحوالے سے گھٹیا باتیں کی جارہی ہیں۔

ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی سے خصوصی گفتگو کرتے ہوئے کیا۔

رانا ثناء اللہ نے کہا کہ نامعلوم افراد نے ہمارے اراکین اسمبلی کو دھمکیاں دیں، ان نامعلوم افراد کا میڈیا کو مجھ سے زیادہ علم ہے، ہم جوکہہ رہے ہیں ہمارے ووٹرز کو اس کے ثبوت کی ضرورت نہیں۔

ایک سوال کے جواب میں راناثناءاللہ نے کہا کہ ن لیگ میں اختلافات کے حوالے سے کچھ لوگ گھٹیا باتیں کررہے ہیں، گھٹیا انسان کو گھٹیا کہنا کسی طور بھی غلط نہیں،22،70اور30کی باتیں کرنے والے ہی گھٹیا لوگوں میں شامل ہیں۔

انہوں نے مزید کہا کہ جو رکن اسمبلی نواز شریف کو چھوڑے گا حلقے کے لوگ اسے جوتے ماریں گے، اب لوٹا کریسی کی گنجائش بہت کم ہوچکی ہے، بزرگ سیاستدان ظفراللہ جمالی کو ن لیگ کا نہیں سجھتا۔

اسلام آباد دھرنےکے حوالے سے انہوں نے کہا کہ دھرنے کے باعث عوام کو بہت تکلیف اور پریشانی کا سامنا کرنا پڑرہا ہے، ہماری خواہش ہے کہ اسلام آباد دھرنے والوں کو طاقت کے استعمال کے بغیر ہٹا دیاجائے۔

انہوں نے مزید کہا کہ فوج سے مدد لینے کامطلب طاقت کااستعمال ہے، برے سے برےحالات میں بھی انسان امید کا سہارا ڈھونڈتا ہے، وقت کےساتھ حالات بدلتے رہتے ہیں۔

لیگی رہنما کا کہنا تھا کہ دھرنے والوں کو سمجھانے میں ہرادارے نے اپنا کردار ادا کیا، ختم نبوت کے معاملے پرکیپٹن صفدر کی اپنی رائے ہے۔

Comments

comments

یہ بھی پڑھیں