اسلام آباد (4 جون 2026): وزیراعظم کے مشیر برائے سیاسی امور رانا ثنا اللہ کا کہنا ہے کہ کراچی میں الگ بلدیاتی نظام بنانا ہوگا۔
وزیراعظم کے مشیر برائے سیاسی امور رانا ثنا اللہ نے اے آر وائی نیوز کے پروگرام آن مائی ریڈار میں گفتگو کرتے ہوئے کہا ہے کہ ملک کے سب سے بڑے شہر کراچی کے معاملات انتہائی تشویشناک ہیں، جس کو نظر انداز نہیں کیا جا سکتا۔
رانا ثنا اللہ کا کہنا تھا کہ کراچی کے لیے الگ بلدیاتی نظام بنانا اور بلدیاتی اداروں کو اختیار دینا ہوں گے، اگر ایسا نہیں کرتے تو نئے انتظامی یونٹس بنا لیں، کیونکہ اس کے بغیر شہر نہیں چل سکتے۔
وزیراعظم کے مشیر نے کہا کہ بلاول بھٹو کی رائے کا احترام ہے، لیکن گلگت بلتستان جا کر صرف تقاریر کرنے سے فنڈز میں اضافہ نہیں ہو سکتا۔ اس معاملے پر بیٹھ کر بات کر سکتے ہیں۔
ن لیگی رہنما نے کہا کہ بلاول اپنی تقریر میں طعنہ وزیراعظم یا اسلام آباد کو دے رہےہیں، ان کی تقریر کے سامنے کراچی کو رکھا جائے تو یہ ساری چیزیں ان کیلیے بھی ہیں۔
انہوں نے کہا کہ صوبوں کو اگر 58 فیصد حصہ لینا ہے تو سوشل ویلفیئر کی ذمہ داری بھی اٹھانی پڑے گی۔ بی آئی ایس پی میں بے پناہ کرپشن ہے، اس سے غربت بڑھی ہے، ختم نہیں ہوئی۔ 3 ماہ میں 13 ہزار دینا لوگوں کو بھکاری بنانے والی بات ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں