The news is by your side.

Advertisement

عدالتی وقت ختم، رانا ثنا اللہ ایک روز مزید جیل میں گزاریں گے

لاہور: مسلم لیگ ن کے رہنما اور سابق صوبائی وزیر رانا ثنا اللہ ضمانت پر رہا ہونے کے باوجود ایک روز مزید جیل میں گزاریں گے۔

تفصیلات کے مطابق عدالتی وقت ختم ہونے پر مسلم لیگ ن کے رہنما رانا ثنا اللہ ایک روز مزید جیل میں ہی رہیں گے، تحریری حکم جاری ہونے کے بعد رانا ثنا کے مچلکے جمع نہ ہوسکے۔

رپورٹ کے مطابق عدالتی حکم کے بعد ضمانتی مچلکے جمع ہونے پر رہائی کا روبکار جاری ہوگا، رانا ثنا کو 10، 10 لاکھ کے 2 مچلکوں کے عوض رہائی کا حکم دیا گیا ہے۔

ذرائع کا کہنا ہے کہ رانا ثنا کے ضمانت پر رہائی کے تحریری حکم نامے اور مچلکوں کی تصدیق کے بعد روبکاری جاری ہوگا۔

مزید پڑھیں: لاہور ہائی کورٹ نے رانا ثنا اللہ کو رہا کرنے کا حکم دے دیا

واضح رہے کہ رانا ثنا اللہ کو منشیات برآمدگی کیس میں گرفتار کیا گیا تھا، آج لاہور ہائی کورٹ نے انہیں ضمانت پر رہا کرنے کا حکم دیا تھا۔

اے این ایف نے فیصل آباد کے قریب ایک خفیہ کارروائی کے دوران ان کی گاڑی سے بھاری مقدار میں منشیات برآمد کی گئی تھی، گاڑی سے برآمد منشیات میں ہیروئن شامل تھی.

مسلم لیگ ن کے صدر شہباز شریف کا کہنا تھا کہ رانا ثنا اللہ کی ضمانت ہونے سے ثابت ہوتا ہے کہ ان پر جھوٹے مقدمات قائم کیے گئے تھے۔

Comments

یہ بھی پڑھیں