The news is by your side.

Advertisement

عمران خان کی اے ٹی ایم نے پوری پارٹی یرغمال بنالی، رانا ثناءاللہ

 لاہور : پنجاب کے وزیر قانون رانا ثناء اللہ خان نے کہا ہے کہ پانامہ کیس کا ہنگامہ کرپشن کے خاتمے کے لئے نہیں بلکہ صرف نوازشریف کوہٹانے کے لیے ہے،عمران خان کے اے ٹی ایم نے پوری پارٹی کو یرغمال بنالیا۔

ان خیالات کا اظہار انہوں نے پنجاب اسمبلی کے باہر پریس کانفرنس کے دوران صحافیوں سے گفتگو کرتے ہوئے کیا، رانا ثنا اللہ خان کا کہنا تھا کہ جاوید ہاشمی نے جو باتیں کیں وہ سچ تھیں، عمران خان 2 نومبر کے لاک ڈاؤن کی ناکامی کے بعد اس کا نتیجہ سپریم کورٹ سے حاصل کرنا چاہتے ہیں۔

رانا ثناءاللہ خان نے اپوزیشن کی جانب سے وزیراعلیٰ کے ریفرنس کو پی ٹی آئی کی اے ٹی ایمز سے منسوب کرتے ہوئے کہا کہ عمران خان کی ایک اے ٹی ایم مشین نے پوری تحریک انصاف کو یرغمال بنا لیا ہے اور وہ اپنی بے ضابطگیوں کو چھپانے کےلئے ریفرنس لا رہے ہیں۔

ایک سوال کے جواب میں صوبائی وزیر قانون کا کہنا تھا کہ فوجی عدالتوں کے حوالے سے ان کا بیان ذاتی رائے ہے اور دہشت گردی ہر قابو پانے کےلئے عدالتی نظام کو ہر صورت بہتر کرنا ہو گا۔

Print Friendly, PDF & Email

Comments

comments

یہ بھی پڑھیں