The news is by your side.

Advertisement

سپریم کورٹ سے تابوت نکلا تو لال حویلی بھی نہیں بچے گی، رانا ثناء اللہ

لاہور: وزیر قانون پنجاب رانا ثناء اللہ نے کہا ہے کہ شیخ رشید تابوت کی باتیں کر کے عدلیہ کو مرعوب کرنا چاہتے ہیں، سپریم کورٹ سے تابوت نکلا تو لال حویلی اور بنی گالا سے بھی نکلے گا۔

پنجاب اسمبلی کے باہر میڈیا سے گفتگو کرتے ہوئے وزیرقانون پنجاب رانا ثناء اللہ نے کہا کہ شیخ رشید تابوت کی باتیں کر کے عدلیہ کو مرعوب کرنا چاہتے ہیں، سپریم کورٹ کو ایسے لوگوں کو توہین عدالت کا نوٹس جاری کرنا چاہیے۔

پڑھیں: شیخ رشید کی سعدرفیق کو وارننگ اور لال حویلی مریم نواز کو تحفے میں دینے کی آفر

انہوں نے کہا کہ سپریم کورٹ سے فیصلے آتے ہیں تابوت نہیں تاہم اگر تابوت نکلا تو لال حویلی  اور بنی گالا سے بھی نکلے گا۔ رانا ثناء اللہ کا کہنا تھا کہ 12 اکتوبر 1999 کو شیخ رشید وفاقی وزیر اطلاعات تھے مگر جنرل مشرف کا مارشل لاء نافذ ہوتے ہی غائب ہوگئے تھے۔

مزید پڑھیں: لال حویلی خالی کروائی تو میں وزیراعظم ہاؤس خالی کرواؤں گا، شیخ رشید

وزیرقانون پنجاب نے کہا کہ شیخ رشید نے ماضی کی زندگی آمریت کی تابعداری میں گزاری اس لیے وہ جمہوریت کے خلاف سازش کرتے رہتے ہیں، سپریم کورٹ کے جج قوم کو پاناما کیس میں انصاف فراہم کریں گے اور وہاں سے اچھا فیصلہ آئے گا۔

Print Friendly, PDF & Email

Comments

comments

یہ بھی پڑھیں