site
stats
پاکستان

عمران خان، ایک شیطان اور ایک مولوی مسلسل توہینِِ عدالت کر رہے ہیں، رانا ثناءاللہ

لاہور: وزیر قانون پنجاب رانا ثناءاللہ نے کہا ہے کہ سندھ اسمبلی نے پانامہ فیصلے پر قرارداد پاس کر کے توہین عدالت کی ہے، عمران خان، ایک شیطان اور ایک مکار مولوی مسلسل توہین عدالت کر رہے ہیں۔

لاہور میں پنجاب اسمبلی کے باہر میڈیا سے گفتگو کرتے ہوئے وزیر قانون پنجاب رانا ثناءاللہ کا کہنا تھا کہ سندھ اسمبلی نے پانامہ فیصلے پر قرارداد پاس کرکے توہین عدالت کی ہے جبکہ عمران خان، ایک شیطان اور ایک مکار مولوی مسلسل توہین عدالت کر رہے ہیں۔

انہوں نے کہا کسی کی بھول ہے کہ پانامہ کا فیصلہ کوئی کرے گا یا 2018 سے پہلے آئے گا، یہ اخلاقی یا قانونی کیس نہیں، سیاسی ہے، جس کا فیصلہ الیکشن میں ہو گا۔

وزیرقانون پنجاب رانا ثنااللہ کا کہنا تھا کہ ہم سپریم کورٹ کےفیصلے کو من وعن تسلیم کرتے ہیں ، یہ نہیں میٹھا میٹھا ہپ ہپ اور کڑوا کڑوا تھو تھوجے آئی ٹی میں تیرہ نکات ہیں، جن میں سے سات نکات میاں محمد شریف کے کاروبار سے متعلق ہیں جبکہ چار سوال حسن اور حسین کے کاروبار سے متعلق ہیں، دو نکات آف شور کمپنیوں کو بارے میں ہیں۔


مزید پڑھیں : عمران خان کو سیاست سے توبہ کرلینی چاہیے، رانا ثناءاللہ


انھوں نے مزید کہا کہ جولوگ دنیا میں نہ ہوں ان سے متعلق قانون بہت واضح ہے،  بچوں سے متعلق جوسوالات ہیں وہ ان کے جواب دیں گے۔

رانا ثناءاللہ نے کہا کہ آصف سعید کھوسہ کا اختلافی نوٹ ان کی رائے ہے، اختلافی نوٹ سپریم کورٹ کا فیصلہ نہیں ہوتا ہے، بہت ہی اچھا ہوتا اختلافی نوٹ قرآن کی آیت سے شروع ہوتا، فیصلہ وہی ہوتا ہے جو تین ججز نے کیا ہے، پتہ نہیں کون ہے وہ گاڈ فادر جس سے اختلافی نوٹ شروع کیا گیا، فارچیون سے مراد دولت نہیں خوش بختی ہے۔

وزیرقانون پنجاب کا کہنا تھا کہ قوم غمزدہ ہے کہ ادارے دباؤ میں ہیں ، وہ دیکھ رہے ہیں کہ سپریم کورٹ نے پہلے پٹیشن مسترد کی اور پھر قابل سماعت قرار دیدی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک  وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top