The news is by your side.

Advertisement

منشیات برآمد کرنے کی ویڈیو سامنے لائیں، رانا ثنا اللہ کاچیلنج

اسلام آباد : مسلم لیگ ن کے رہنما راناثنا نے چیلنج کیا کہ منشیات برآمد کرنے کی ویڈیو سامنے لائیں اور منشیات برآمدگی کی انکوائری کیلئے فیکٹ فائنڈنگ کمیٹی اورعدالتی تحقیقات کا مطالبہ کردیا۔

تفصیلات کے مطابق مسلم لیگ ن کے رہنما راناثنااللہ نے چھ ماہ بعد قومی اسمبلی کےاجلاس میں شرکت کی ، اجلاس میں اظہار خیال کرتے ہوئے راناثنااللہ نے کہا میں صرف اپنےکیس کےفیکٹس پربات کروں گا ، میں6ماہ کےبعداس اجلاس میں شریک ہورہاہوں، یقین ہے آپ کی خواہش ہوگی پروڈکشن آرڈرکے ذریعے شامل ہوں، کچھ مجبوریاں بھی ہوں گی ،آپ کی جس کےباعث یہ ممکن نہ ہوسکا۔

راناثنااللہ نے بےگناہی ظاہر کرنےکیلئےقومی اسمبلی میں قرآن اٹھاتے ہوئے کہا قرآن پاک پر ہاتھ رکھ اگرجھوٹ بولوں تومجھ پرخدا کا قہر نازل ہو، ایک بج کر10 منٹ پر فیصل آبادمیں اپنے گھرسے نکلا تھا، ناکے پر میری گاڑی روکی گئی تو گارڈ نے اتر کر بتایا کس کی گاڑی ہے، گارڈ کو قابو کیا گیا اور ڈرائیور کو بھی گاڑی سے نکلا گیا۔

مسلم لیگ ن کے رہنما نے کہا اس کارروائی کوسیف سٹی کے کیمروں نے بھی انڈوزکیا، مجھے تھانہ اے این ایف لے جایا گیا، اگلے دن 10 بجے تک مجھے بٹھا کر رکھا گیا، اس دوران کسی بندے نے مجھ سے منشیات پر گفتگو نہیں کی، اگر ویڈیو لے آئیں تومیں چپ ہوجاؤں گا۔

ان کا کہنا تھا کہ مجھ سے تھانہ اےاین ایف میں کوئی تفتیش نہیں کی گئی،جب صبح عدالت میں پیش کیا گیا تو پتا چلا 15کلوہیروئن ڈال دی، ایک نیٹ ورک افغانستان سے ہیروئن فیصل آباد پہنچاتا ہے، یہ نیٹ ورک اتنا سمجھدار ہے، افغانستان سے لاہور کے بجائے فیصل آباد آگیا۔

راناثنااللہ نے کہا 5بار پنجاب اسمبلی کارکن منتخب ہوااب ایم این اےہوں، سیاسی کیریئرمیں کسی منشیات فروش کی سفارش کی ہوتومیں گناہ گار، قرآن پاک کوگواہ بناکرکہتاہوں جس نےظلم کیاان کواللہ ہدایت دے، جن لوگوں نےظلم کرایاان پربھی اللہ کاعذاب نازل ہوگا۔

ن لیگی رہنما کا کہنا تھا کہ گودام سے 15کلوہیروئن نکال کر مجھے عدالت میں پیش کردیا گیا، اس کیس میں کوئی انکوائری یا تفتیش ہوئی ہی نہیں ، تفتیشی افسر کی مجھ سے انکوائری کی ایک فوٹیج دکھادیں، تفتیشی افسرسے بات کرنےکی فوٹیج دیں توٹرائل قبول کرلوں گا۔

انھوں نے مزید کہا کہ کیامیراایک شہری کے طور پر حق نہیں کہ کیس میں انکوائری ہو، موقع دیاجائےتفتیش کے دوران میں بے گناہی کا ثبوت دے سکوں۔

راناثنااللہ نے منشیات برآمدگی کی انکوائری کیلئے فیکٹ فائنڈنگ کمیٹی اورعدالتی تحقیقات کامطالبہ کرتے ہوئے ان کوشک ہے تو یہ جس طرح بولیں اس عمل سے گزرنے کو تیارہوں، اس طرح میراٹرائل ہوتا ہے تو آئندہ کسی کیساتھ بھی ایسا ہوسکتاہے۔

fb-share-icon0
Tweet 20

Comments

comments

یہ بھی پڑھیں