The news is by your side.

Advertisement

چوہدری نثار ٹکٹ مانگیں نہ مانگیں پارٹی ٹکٹ دے گی، رانا ثناء اللہ

لاہور: صوبائی وزیر قانون رانا ثناء اللہ نے کہا ہے کہ چوہدری نثار ٹکٹ مانگیں یا نہ مانگیں، وہ سینئر ہیں  پارٹی انھیں ٹکٹ دے گی۔

تفصیلات کے مطابق میڈیا سے گفتگو کرتے ہوئے پنجاب کے وزیر قانون نے کہا کہ آئین میں 62 اور 63کا جس طرح استعمال ہوا ہے، اس کے بارے میں کوئی تصور بھی نہیں کرسکتا تھا۔

رانا ثناء اللہ کا کہنا تھا کہ پارلیمنٹ کے پاس اختیار ہے کہ وہ ان شقوں کو آئین سے نکال دے، وہ ایسا کرسکتی ہے، انھوں نے کہا کہ  پارلیمنٹ آئین میں ترمیم کرکے نااہلی کی مدت بھی کم کرسکتی ہے۔

یاد رہے کہ گزشتہ روز سپریم کورٹ آف پاکستان نے آرٹیکل 62 ون ایف کے تحت نوازشریف اور جہانگیر ترین کو تاحیات نااہل قرار دیتے ہوئے کہا تھا کہ یہ شق شامل کرنے کا مقصد قوم کے لیے ایک باکردار قیادت دینا ہے۔

نوازشریف سے پارٹی ٹکٹ آخر مانگا کب ہے؟نہ پہلے ٹکٹ کیلئے درخواست دی نہ آئندہ دوں گا،چوہدری نثار

انھوں نے عدلیہ اور پارلیمنٹ کے حوالے سے اپنے بیان میں کہا کہ دونوں طرف سے آئینی رویوں کا اظہار ہونا چاہیے، کوئی آلہ کارماحول خراب کرنےکے لیے پٹیشن لےجائے تو عدلیہ اسے پارلیمنٹ کا راستہ دکھائے۔

خیال رہے کہ سابق وزیر داخلہ چوہدری نثار نے اپنے تازہ بیان میں کہا تھا کہ انھوں نے اپنی سیاسی زندگی میں نہ پہلے کبھی ٹکٹ مانگا اور نہ ہی آئندہ کبھی ٹکٹ کیلئے درخواست دیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں