The news is by your side.

Advertisement

میں چاہوں تو عمران‌ خان 20 افراد بھی اسلام آباد نہیں لاسکے گا ، رانا ثنااللہ کی دھمکی

اسلام آباد : وفاقی وزیر داخلہ رانا ثنا اللہ نے دھمکی دی ہے کہ میں چاہوں کو عمران‌ خان 20 افراد بھی اسلام آباد نہیں لاسکے گا تاہم لانگ مارچ کو کیسے ہینڈل کرنا ہے وفاقی کابینہ فیصلہ کرے گی۔

تفصیلات کے مطابق وفاقی وزیر داخلہ رانا ثنا اللہ نے تحریک انصاف کے لانگ مارچ کے حوالے سے اپنے بیان میں کہا کہ عمران خان 20لاکھ تو دور کی بات 20ہزار لوگ بھی نہیں لاسکتا، اگر میں نے چاہا تو 20لوگ بھی نہیں آئیں گے۔

راناثنااللہ کا کہنا تھا کہ پی ٹی آئی کے لانگ مارچ سےمتعلق پالیسی حکومت نے دینی ہے ، میں نے بطور وزیرداخلہ حکومتی پالیسی پر عملدرآمد کرانا ہے، میں اپنے طور پر سختی یا نرمی نہیں کرسکتا۔

وزیر داخلہ نے کہا کہ لانگ مارچ کو کیسے ہینڈل کرنا ہےوفاقی کابینہ فیصلہ کرےگی ، وفاق نے فیصلہ کیاکہ لانگ مارچ روکناہےتویہ 20لوگ بھی نہیں لاسکتے۔

واضح رہے کہ عمران خان کہہ چکے ہیں کہ وہ تحریک کے فیصلہ کن مرحلے کے لیے مئی کے آخری ہفتے میں قوم کو اسلام آباد میں جمع ہونے کی کال دیں گے۔

اس سے قبل عوامی رابطہ مہم کے سلسلے میں جلہم جلسے کے دوران ان کا کہنا تھا کہ اب اسلام آباد میں 20 لاکھ کی بجائے 25 لاکھ افراد کو جمع کریں گے۔

Comments

یہ بھی پڑھیں