ن لیگ کے اجلاس کی صدارت، رانا ثناء نے بھانڈا پھوڑ دیا -
The news is by your side.

Advertisement

ن لیگ کے اجلاس کی صدارت، رانا ثناء نے بھانڈا پھوڑ دیا

لاہور: ن لیگ کے اجلاس کی صدارت نواز شریف نے کی یا کسی اور نے، مریم اورنگ زیب لقمہ دیتی رہیں لیکن رانا ثناء اللہ نے پریس کانفرنس کے دوران بھانڈا پھوڑ دیا۔

تفصیلات کے مطابق پاکستان مسلم لیگ ن کے صدر شہباز شریف نیب کی قید میں ہونے کی وجہ سے ن لیگ کی مرکزی مجلس عاملہ کے اجلاس کی صدارت کا معاملہ اٹھ گیا تھا۔

صدارت نواز شریف نے کی: رانا ثناء
نہیں کی، نہیں کی: مریم اورنگ زیب

سینٹرل ایگزیکٹو کمیٹی کے اجلاس کی صدارت نا اہل سابق وزیرِ اعظم نواز شریف نے کی، اس بات کا بھانڈا اس وقت پھوٹا جب پریس کانفرنس میں صحافی کے سوال پر رانا ثناء نے اقرار کیا کہ صدارت نواز شریف نے کی۔

ادھر صحافی کے سوال کے جواب میں رانا ثناء ہاں میں جواب دے رہے تھے، ادھر مریم اورنگ زیب لقمہ دیتی رہیں ’نہیں کی، نہیں کی‘ لیکن رانا ثناء بھانڈا پھوڑ چکے تھے۔


یہ بھی پڑھیں:  شہباز شریف کی گرفتاری پر ن لیگ کی مزاحمتی سیاست شروع کرنے کی دھمکی


میڈیا سے گفتگو میں یہ بتانے والے کہ اجلاس نواز شریف کی زیرِ صدارت ہوا، رانا ثناء اللہ یہ بھول گئے تھے کہ آئینی طور پر نواز شریف اجلاس کی صدارت کے اہل نہیں۔

خیال رہے کہ آج مسلم لیگ ن کی مرکزی مجلس عاملہ کا اجلاس نا اہل وزیرِ اعظم نواز شریف کی زیرِ صدارت منعقد ہوا، اجلاس میں اس نکتے پر غور کیا گیا کہ شہباز شریف کی گرفتاری کے بعد کیا حکمتِ عملی اپنائی جائے؟

Comments

comments

یہ بھی پڑھیں