The news is by your side.

یہ لوگ استعفے دیں، ضمنی الیکشن ہو جائیں گے، رانا ثنا اللہ

اسلام آباد: وفاقی وزیر داخلہ رانا ثنا اللہ کا کہنا ہے کہ تحریک انصاف کے لوگ تمام اسمبلیوں سے استعفے دیں جس پر ضمنی الیکشن ہو جائیں گے۔

موجودہ ملکی صورتِ حال پر اے آر وائی نیوز کی خصوصی نشریات میں رانا ثنا اللہ نے گفتگو میں کہا کہ عمران خان کی سمجھ کو دیکھ کر توقع کی جا سکتی ہے کہ ایسے فیصلے ہی کر سکتا ہے، عدم اعتماد تحریک تک اسمبلی جائز تھی اور اس کے بعد ناجائز ہوگئی۔

رانا ثنا اللہ نے کہا: ’عمران خان عوام کا سمندر لانے اور اسلام آباد پر چڑھائی کے دعوے کرتے رہے۔ وہ توقع کر رہے تھے 10،15 لاکھ لوگ آئیں گے لیکن اس برعکس ہوا۔ فلاپ شو کے بعد عمران خان سے ایسے ہی فیصلے کی توقع تھی۔‘

وزیر داخلہ نے کہا کہ عمران خان کو سیاسی ہزیمت کا سامنا کرنا پڑا اس لیے اس قسم کا اعلان کیا، انہوں نے ہیلی کاپٹر پر جلسے کا جائزہ لینے کے بعد ردعمل میں ایسا فیصلہ کیا، عمران خان نے ذاتی فیصلہ کیا اور پارلیمانی پارٹی سے مشاورت کرنی ہے۔

انہوں نے کہا کہ مجھے شک ہے کہ وزیر اعلیٰ پنجاب پرویز الٰہی عمران خان کی بات نہیں مانیں گے، عمران خان کے اعلان پر عمل ہو جاتا ہے تو اچھا ہوگا یہ انجام کو پہنچ جائے گا۔

Comments

یہ بھی پڑھیں