The news is by your side.

رانا ثنا اللہ نے شہباز شریف کو انٹرنیشنل صادق و امین قرار دے دیا

وفاقی وزیر داخلہ رانا ثنا اللہ نے برطانوی اخبار ڈیلی میل کی جانب سے معذرت کے بعد وزیر اعظم شہباز شریف کو انٹرنیشنل صادق و امین قرار دے دیا۔

رانا ثنا اللہ نے اپنے ٹوئٹر پر جاری بیان میں کہا کہ الحمد اللہ ایک اور بدنیتی پر مبنی پراپیگنڈا بے نقاب ہو چکا ہے، شہباز شریف انٹرنیشنل صادق و امین ہیں۔

یاد رہے کہ ڈیلی میل نے وزیر اعظم کے بارے میں 14 جولائی 2019 کو ایک مضمون جاری کیا تھا جس میں شہباز شریف پر زلزلہ متاثرین کے فنڈز میں چوری کا الزام لگایا تھا۔

اخبار نے اپنی رپورٹ پر آج معذرت کرلی تاہم ان کے خلاف منی لانڈرنگ اور ٹی ٹی اسکینڈل خبر پر معافی نہیں مانگ لی۔

ڈیلی میل نے لکھا کہ شہباز شریف کے خلاف زلزلہ متاثرین فنڈز میں کرپشن کی خبر پر معذرت خواہ ہیں، شہباز شریف کے خلاف قومی احتساب بیورو کی تحقیقات کی اطلاع دی گئی تھی، بتایا گیا تھا کہ شہباز شریف کے خلاف متاثرین کی رقم میں خوردبرد کی تحقیقات ہو رہی ہیں۔

اخبار نے کہا کہ نیب نے شہباز شریف پر برطانوی گرانٹ میں کسی غلط کام کا الزام نہیں لگایا۔

Comments

یہ بھی پڑھیں