The news is by your side.

Advertisement

‘شہباز شریف مارچ کے آخر تک وطن واپس آجائیں گے’

لاہور : سابق صوبائی وزیر راناثنااللہ کا کہنا تھا کہ آٹا اور چینی چوروں کے احتساب کے لیے شہباز شریف مارچ کے آخر میں وطن واپس آ رہے ہیں۔

تفصیلات کے مطابق سابق صوبائی وزیر راناثنااللہ نے عدالت میں پیشی کے بعد میڈیا سے گفتگو کرتے ہوئے کہا فیصل آبادکےمنشیات فروشوں کوبلایاگیا ، دباؤ ڈالاگیا کہ رانا ثنااللہ کے خلاف بیان دو، کسی نےمیرےساتھ کسی بھی تعلق کا اقرار نہیں کیا۔

راناثنااللہ کا کہنا تھا کہ امید ہے مارچ میں نوازشریف کا پروسیجر ہوگا، جس کے بعد شہباز شریف مارچ کے آخر تک ملک واپس آجائیں گے اور واپس آکر اپوزیشن لیڈر کا کردار نبھائیں گے، شہبازشریف آٹااورچینی چوروں کے احتساب کے لیے آرہے ہیں۔

سابق صوبائی وزیر نے کہا تھا کہ قوم مشکل میں ہے،کاروبار اور ملازمتیں نہیں رہیں، کسی نے نہیں کہاکہ کوئی مڈٹرم الیکشن کامہینہ ہے، اپوزیشن نے کہا کہ 2020 مڈ ٹرم کا سال ہے، پوری حکومت اسی کام پر لگی ہوئی ہے ، تمام وزرا نوازشریف کے پیچھے پڑے ہیں۔

ان کا مزید کہنا تھا کہ اعتزاز احسن کہتے ہیں ن لیگ مزاحمت نہیں کر سکتی تو عدلیہ بحالی میں مزاحمت کس نے کی جب نواز شریف لانگ مارچ کے لیے سڑکوں پر نکلے اس وقت اعتزاز احسن گھر پر تھے۔

عورت مارچ کے حوالے سے ن لیگی رہنما نے کہا اسلام نےسب سےپہلےعورتوں کوحقوق دیے، عورت مارچ بالکل ہونا چاہیے، عورتوں کو ان کاحق ملنا چاہیے، اسلام نےعورت کو تمام حقوق دیے ہیں۔

یاد رہے رانا ثنا اللہ نے لاہور ہائی کورٹ کے احاطے میں میڈیا سے گفتگو کرتے ہوئے کہا تھا کہ نیب بلاتا کسی اور کیس میں اور گرفتار کسی اور کیس میں کرتا ہے، شہباز شریف کے ساتھ یہی رویہ اپنایا گیا تھا، نیب کے اسی رویے کے خلاف لاہور ہائی کورٹ میں آئے۔

fb-share-icon0
Tweet 20

Comments

comments

یہ بھی پڑھیں