site
stats
پاکستان

ذیادتی کیس اور ہاتھ کاٹنے کے ملزمان کو جلد سزا ہوگی، رانا ثناء اللہ

لاہور : صوبائی وزیر قانون رانا ثناء اللہ نے کہا کہ حافظ آباد میں نوجوان کے ہاتھ کاٹنے اور لاہور میں چودہ سال کی لڑکی سے زیادتی کیس کے ملزمان گرفتار کرلیے گئے ہیں اور ملزمان سے تحقیقات کے لیے اعلی سطح کی کمیٹی تشکیل دے دی گئی ہے۔

ایوان وزیر اعلی لاہور میں میڈیا سے گفتگو کرتے ہوئے وزیر قانون رانا ثناءاللہ نے کہا کہ حافظ آباد میں نوجوان کے ہاتھ کاٹنے اور لاہور میں لڑکی سے زیادتی کے ملزمان کا تعلق خواہ کسی سے بھی ہو اور وہ جتنے بھی بااثر ہوں قانون کے مطابق انھیں سزا دی جائے گی۔

رانا ثناءاللہ نے واضح کیا کہ لاہور زیادتی کیس میں ملوث ملزمان کی تحقیقات کے لیے اعلیٰ سطح کی کمیٹی تشکیل دے دی گئی ہے اور جلد ڈی این اے رپورٹ کے بعد واقعہ کے تمام ثبوت اور شواہد عوام کے سامنے رکھے جائیں گے۔

ان کا کہنا تھا کہ ڈسکہ سے گرفتار ہونے والے ملزمان کا داعش سے کوئی تعلق نہیں وہ انٹرنیٹ پر لوگوں کو شام میں جہاد کی کے لئے ابھار رہے تھے۔

رانا ثناءاللہ نے اس موقع پر زیادتی کیس میں ملوث ملزمان سے تحقیقات کے لئے جوائنٹ انوسٹی گیشن ٹیم کے قیام کے مطالبے کو بھی مسترد کردیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top