بالی ووڈ کی مشہور جوڑی رنبیر کپور اور عالیہ بھٹ کی نئی فلم ’برہماسترا‘ کا گانا ’کیسیرا‘ پاکستانی گانے کا چربہ نکلا۔
بالی ووڈ کی مشہور جوڑی عالیہ بھٹ اور رنبیر کپور پہلی مرتبہ پردے پر فلم ’برہماسترا‘ میں ایک ساتھ نظر آئیں گے ان کی پہلی فلم کا گانا ’کیسریا‘ دیرینہ انتظار کے بعد گزشتہ روز ریلیز کیا گیا۔
گزشتہ روز ریلیز ہونے والے گانے کیسریا کو اب تک 20 ملین سے زائد ویوز حاصل ہوچکے ہیں۔
بھارت میں اس گانے کی دھوم مچی ہوئی ہے لیکن پاکستانی مداحوں نے گانا سنتے ہی اس کی چوری پکڑ لی۔
پاکستانی مداحوں نے گانے سے مایوسی کا اظہار کرتے ہوئے سوشل میڈیا پر ملے جلے تبصرے دیے ہیں۔
Abe itna bhi copy mat karo #Kesariya pic.twitter.com/uNtaHKhylM
— Ctrl C + Ctrl Memes 45 (@Ctrlmemes_) July 17, 2022
مداحوں کا کہنا ہے کہ طویل انتظار کے بعد ریلیز کیا گیا فلم برہماسترا کا گانا کیسریا پاکستانی بینڈ ’کال‘ کے مشہورِ زمانہ گانے ’لاری چھوٹی‘ کی دھن پر ترتیب دیا گیا ہے جو اس بڑے بجٹ کی فلم کو زیب نہیں دیتا۔
واضح رہے کہ کال بینڈ کے گانے لاری چھوٹی کو 2007 میں مقبولیت کے جھنڈے گاڑنے کے بعد بھارتی فلم ’ایک چالیس کی لاسٹ لوکل‘ میں شامل کیا گیا تھا۔