The news is by your side.

Advertisement

رنچھوڑ لائن میں گرنے والی عمارت کا منظور شدہ نقشہ سامنے آگیا

کراچی: شہر قائد کے علاقے رنچھوڑ لائن میں گرنے والی عمارت کا منظور شدہ نقشہ اے آروائی نیوز سامنے لے آیا۔

تفصیلات کے مطابق کراچی کے علاقے رنچھوڑ لائن میں گرنے والی عمارت کا منظور شدہ نقشہ اے آروائی نیوز سامنے لے آیا، پلاٹ پر گراؤنڈ پلس ون کی منظوری دی گئی تھی۔ پلاٹ پر گراؤنڈ پلس 6 بنا دیا گیا تھا، بلڈر نے متعلقہ عدالت سے حکم امتناع لیا ہوا تھا۔

کراچی کے علاقے رنچھوڑ لائن میں 6 منزلہ رہائشی عمارت زمین بوس ہوگئی تاہم خوش قسمتی سے کوئی جانی نقصان نہیں ہوا۔ رنچھوڑ لائن میں مخدوش عمارت کا ایک حصہ بیٹھنے کے باعث اس میں دراڑیں پڑ گئی تھیں جس کے چند گھنٹے بعد ہی پوری عمارت زمین بوس ہوگئی۔

کراچی: رنچھوڑ لائن میں 6 منزلہ عمارت گرگئی

وزیراعلیٰ سندھ مراد علی شاہ نے کمشنر کراچی اور ایس بی سی اے حکام سے واقعے کی رپورٹ طلب کرلی۔ وزیراعلیٰ نے کہا کہ ایسی عمارتوں کی تعمیراتوں کا اجازت کون دیتا ہے جو گر جاتی ہیں؟ مراد علی شاہ نے غیرقانوی طور پر عمارتوں کی تعمیر میں ملوث عملے کو سزا دینے کا حکم دے دیا۔

ڈائریکٹر ایس بی سی اے صدر ٹاؤن کا کہنا تھا کہ مخدوش عمارت کو کئی بار خالی کرانے کے احکامات دیے جا چکے تھے، گودام بنانے کے لیے عمارت کے نیچے پلرز کم دیے گئے تھے، بلڈنگ 23 سال پرانی ہے، تحقیقات کا حکم دے دیا ہے۔

Comments

یہ بھی پڑھیں