site
stats
سندھ

رینجرز کی کارروائی، اسلحہ اور منشیات کی بڑی کھیپ برآمد

کراچی: رینجرز نے پرانا گولیمار  کے علاقےمیں واقع لیاری گینگ وار کے ملزم ریاست کے مکان پر چھاپہ مار کر اسلحہ، ایمونیشن اور منشیات بڑا ذخیرہ برآمد کرلیا۔

ترجمان رینجرز سندھ کے مطابق کارروائی شہری کی اطلاع پر عمل میں لائی گئی جس میں اسلحے کی بڑی تعداد، ایمونیشن اور مشیات کا ذخیرہ برآمد کیا گیا ہے، برآمد کیے گئے اسلحے میں 11 عدد نائن ایم ایم پستول اور 43 میگزین، 9 عدد 30 بور پستول اور 22 عدد میگزین، دو عدد 22 بور پستول ، ایک 32 بور پستول شامل ہیں۔

رینجرز کے ترجمان نے کہا ہے کہ کارروائی کے دوران 9 عدد ایس ایم جیز بمعہ 500 عدد میگزین، دو عدد 12 بور رپیٹر، ایک عدد ایئرگین، ایک عدد 30 بور ماؤزر ، مختلف اقسام کے پانچ ہزار راؤنڈز، 76 عدد مختلف اقسام کے گرنیڈاور ڈیٹونیٹر زشامل ہیں۔

ترجمان رینجرز سندھ کے مطابق برآمد منشیات میں 841 کلوچرس، 122 کلوگرام ہیروین اور 480 بوتل دیسی شراب اورتین عدد وائرلیس سیٹ بھی شامل ہیں۔

رینجرز اعلامیے میں کہا گیا ہے کہ برآمد کیا جانے والا اسلحہ شہر میں بدامنی پھیلانے اور ٹارگٹ کلنگ کیلئے استعمال ہونا تھا، کارروائی شہری کی اطلاع پر عمل میں لائی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top