The news is by your side.

Advertisement

متحدہ لندن کا اسلحہ برآمد‘ کیماڑی سے مغوی بازیاب

کراچی: رینجرزنے بلدیہ ٹاؤن کے علاقے مشرف کالونی میں کارروائی کرکےایم کیو ایم لندن کے شرپسند عناصر کا چھپایا گیا اسلحہ برآمد کرلیا جبکہ کیماڑی میں کارروائی کرکے مغوی کو بازیاب کروالیا۔

ترجمان رینجرزسندھ کے مطابق اسلحہ دہشت گردی اور ٹارگٹ کلنگ کے لیے چھپایا گیا تھا، برآمد ہونے والے اسلحے میں ایک عدد ایس ایم جی، 2 عدد رائفل، 5 عدد 30 بور پسٹل، 2 عدد 30 بور ایم پی 5 2 عد 9 ایم ایم ایم پی 5، 2 عدد 12 بور شاٹ گن، 4 بلٹ پروف جیکٹ اور مختلف اقسام کے 1968 راؤنڈزشامل ہیں۔

دوسری جانب رینجرز نے کیماڑی میں کارروائی کرتے ہوئے مغوی بازیاب کرواتے ہوئے اغوارکار کوگرفتار کر لیا، ترجمان رینجرز کے مطابق ملزم کو عزیز آباد سے اغوا کیا گیا تھا اور اغوا کاروں نے رہائی کے لیے 22 لاکھ روپے تاوان طلب کیا تھا۔

رینجرز اعلامیے میں کہا گیا ہے کہ ملزم نعیم خان عرف حاجی نے مراد خان نامی شخص کو عزیز آباد کے  قریب واقع ہوٹل سے 18 اپریل کو اغوا کیا اور تاوان طلب کرنے کے لیے اُسے فلیٹ منتقل کیا۔

رینجرز کارروائی کے نتیجے میں نعیم نامی شخص گرفتار ہوا جبکہ اُس کے دیگر ساتھیوں کی تلاش میں چھاپہ مار کارروائیاں جاری ہیں، ملزم کو مزید قانونی چارہ جوئی پولیس کے حوالے کردیا۔

Print Friendly, PDF & Email

Comments

comments

یہ بھی پڑھیں