site
stats
پاکستان

اویس شاہ کی بازیابی کیلئے رینجرز نے انعامی رقم کااعلان کردیا

کراچی: اویس شاہ کی بازیاب کیلئےسندھ رینجرزنےانعامی رقم کااعلان کردیا،پولیس کی تحقیقاتی ٹیم بھی تفتیش میں مصروف ہے۔

تفصیلات کے مطابق چیف جسٹس سندھ ہائیکورٹ سجاد علی شاہ کے بیٹے اویس شاہ کی بازیابی کیلئےرینجرزنےانعامی رقم کااعلان کردیا، رینجرزنےاویس شاہ کےاغواکاروں کےبارےمیں اطلاع دینےوالے کیلئے پچیس لاکھ روپےانعام کااعلان کردیا۔

ترجمان رینجرزکے مطابق اطلاع دینےوالے کی معلومات صیغہ رازمیں رکھی جائیں گی،شہری رینجرز ہیلپ لائن،واٹس اپ اورای میل پرانفارمیشن دے سکتےہیں۔

اویس شاہ کی بازیابی کیلئے ڈی آئی جی سی آئی اے سلطان خواجہ کی سربراہی میں تشکیل دی گئی ٹیم بھی کھوج لگانے میں مصروف ہے، اویس شاہ کی بازیابی کیلئے بنائی گئی۔

تحقیقاتی ٹیم میں ڈی آئی جی ساوتھ منیر شیخ،ایس ایس پی ایس آئی یو فاروق اعوان،انچارج سی ٹی ڈی راجہ عمرسمیت ایس ایس پی ساؤتھ ڈاکٹر فاروق،ایس ایس پی سی ٹی ڈی نویدخواجہ،ایس ایس پی انویسٹی گیشن ساؤتھ عدیل چانڈیو اورایس ایچ اوکلفٹن شامل ہیں۔

ساؤنڈ ایڈیشنل آئی جی نے ہدایت کی ہے کہ تحقیقاتی ٹیم اویس شاہ کو بازیاب کرانے کے ساتھ ساتھ اغواء کاروں کوبھی گرفتار کرے۔

قانون نافذ کرنے والے اداروں کی جانب سے شہر کے مختلف علاقوں میں تابڑ توڑ چھاپوں کا سلسلہ جاری ہے، جبکہ ہائی ویزکے اطراف کچی آبادیوں میں بھی پولیس نے سرچ آپریشن کر کے متعدد افراد کو گرفتار کیا ۔ جن سے تفتیش جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top