The news is by your side.

Advertisement

عامر خان کی ضمانت کے خلاف رینجرز کی درخواست مسترد

کراچی: سندھ ہائی کورٹ نے ایم کیو ایم کے رہنما عامر خان کی ضمانت کے خلاف رینجرز کی جانب سے دائر کردہ درخواست مسترد کردی۔ 

تفصیلات کے مطابق سندھ ہائی کورٹ میں ایم کیو ایم کے رہنما عامر خان کی ضمانت کے خلاف رینجرز کی درخواست پر سماعت ہوئی، عدالت نے رینجرز کی جانب سے دائر درخواست کو مسترد کرتے ہوئے انسداد دہشت گردی کا فیصلہ برقرار رکھا۔

خیال رہے انسداد ہشت گردی کی عدالت نے دہشت گردوں کو ایم کیو ایم کے مرکز پر تحفظ فراہم کرنے کے کیس میں عامر خان کی ضمانت منظور کی تھی، عامر خان کو ضمانت دینے کے فیصلے کو رینجرز نے ہائیکورٹ میں چیلنچ کیا تھا۔


پڑھیں: ’’ عامر خان کی ضمانت سندھ ہائیکورٹ میں چیلنج ‘‘


 یاد رہے 11 مارچ کو عزیز آباد میں واقع متحدہ کے مرکز نائن زیرو پر رینجرز کی جانب سے چھاپہ مارا گیا تھا جس میں عامر خان سمیت ایم کیو ایم کے متعدد کارکنان کو گرفتار کیا گیا تھا، گرفتار افراد میں نامور ملزمان فیصل موٹا، فرحان شبیر، ارشد کے ٹو اور نادر شاہ بھی شامل تھے۔

یہ بھی پڑھیں: متحدہ بانی، فاروق ستار، عامر خان اشتہاری قرار


رینجرز کے کمانڈر نے چھاپے کے اختتام پر میڈیا کو بریفنگ دیتے ہوئے کہا تھا کہ عامر خان کو تفتیش کے لیے لے جایا جارہا ہے کہ انہوں نے اپنے مرکز پر دہشت گردوں کو پناہ کیوں فراہم کی تھی تاہم دو روز بعد انہیں انسداد دہشت گردی کی عدالت میں پیش کیا گیا جہاں انہیں 90 روز کے لیے رینجرز کی تحویل میں دیا گیا تھا۔

Print Friendly, PDF & Email

Comments

comments

یہ بھی پڑھیں