site
stats
پاکستان

کراچی میں رینجرز کی کارروائی، کالعدم تنظیموں کے 13 ملزمان گرفتار

Rangers

کراچی: صوبہ سندھ کے دارالحکومت کراچی میں رینجرز نے مختلف علاقوں میں کارروائیاں کرتے ہوئے 13 ملزمان کو گرفتارکرلیا۔ ترجمان رینجرز کے مطابق ملزمان کا تعلق مختلف کالعدم تنظیموں سے ہے۔

تفصیلات کے مطابق ترجمان رینجرز کا کہنا تھا کہ 13 گرفتار ملزمان میں سے رضویہ سے گرفتار ملزم عاطف عباسی کاتعلق کالعدم تنظیم سے ہے جو ٹارگٹ کلنگ، بھتہ خوری سمیت دیگر وارداتوں میں ملوث ہے۔

پریڈی سے گرفتار ملزم دانیال کا تعلق ایم کیو ایم لندن سے ہے۔ ملزم بھتہ خوری، وال چاکنگ سمیت دیگر وارداتوں میں ملوث ہے۔

ترجمان کے مطابق گزری، گلبرگ، رضویہ اور کورنگی انڈسٹریل ایریا سے 4 ملزمان گرفتار کیے گئے جو ٹارگٹ کلنگ، بھتہ خوری، ڈکیتی اور دیگرجرائم میں ملوث ہیں۔

کورنگی انڈسٹریل ایریا سے 2 اغوا کار گرفتار کیے گئے۔ چاکیواڑہ سے منشیات فروشی کے کاروبار میں ملوث 5 ملزمان گرفتار کیے گئے۔ ملزمان سے غیر قانونی اسلحہ، مسروقہ سامان اور منشیات بھی برآمد کیا گیا۔

رینجرز کے مطابق ملزمان کو قانونی چارہ جوئی کے لیے پولیس کے حوالے کر دیا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top