The news is by your side.

Advertisement

کراچی، رینجرز کی مختلف علاقوں میں کارروائیاں، 7 ملزمان گرفتار

کراچی: رینجرز نے کراچی کے مختلف علاقوں میں کارروائی کرتے ہوئے 7 ملزمان کو گرفتار کرلیا، فیروز آباد انویسٹی گیشن پولیس نے دو ملزمان کو حراست میں لے لیا۔

تفصیلات کے مطابق رینجرز نے کراچی کے مختلف علاقوں میں کارروائی کرتے ہوئے 7 ملزمان کو گرفتار کرلیا، کارروائی مبینہ ٹاؤن، سرسید، مدینہ کالونی اور بوٹ بیسن میں کی گئیں۔

ترجمان رینجرز کے مطابق ملزمان ڈکیتی، اسٹریٹ کرائمز، منشیات فروشی میں ملوث ہیں، ملزمان سے غیرقانونی اسلحہ، ایمونیشن، مسروقہ سامان اور منشیات برآمد کرلی گئی ہے۔

دوسری جانب رینجرز نے اندرون سندھ میں پانی چوری کے خلاف آپریشن کیا اور نہری علاقے کے 12 مقامات سے پانی کے غیرقانونی کنکشن ہٹا دئیے گئے۔

مزید پڑھیں: کراچی، رینجرز کی انٹیلی جنس معلومات پر کارروائی، ایم کیو ایم لندن کا بھتہ خور گرفتار

ترجمان رینجرز کے مطابق پانی چوری میں ملوث 8 افراد کے خلاف ایف آئی آر درج کرائی گئی ہے، علاقے کے کاشتکاروں نے محکمہ آبپاشی، رینجرز اور پولیس کے اقدام کو سراہا ہے۔

کراچی میں فیروز آباد انویسٹی گیشن پولیس نے کارروائی کرتے ہوئے 2 ملزمان کو گرفتار کرلیا، گرفتار ملزمان لڑکی کے اغوا میں ملوث ہیں۔

پولیس کے مطابق گرفتار ملزمان میں عبدالرحمان اور عدنان شامل ہیں، لڑکی کو میڈیکل چیک اپ کے لیے اسپتال منتقل کردیا گیا ہے، لڑکی کو اغوا کرکے زبردستی اس کی مرضی کے خلاف شادی کرائی گئی۔

Comments

comments

یہ بھی پڑھیں