site
stats
پاکستان

رینجرز کے اختیارات : چوہدری نثار آج اہم پریس کانفرنس کریں گے

اسلام آباد : چوہدری نثار آج شام اہم پریس کانفرنس کریں گے۔ تفصیلات کے مطابق وفاقی وزیرداخلہ چوہدری نثارآج شام 4بجے اہم پریس کانفرنس سے خطاب کریں گے۔

اس پریس کانفرنس میں کراچی میں رینجرزاختیارات میں توسیع اور آپریشن سے متعلق اہم گفتگوکریں گے۔ یاد رہے کہ سندھ میں رینجرز کو اختیارات دینے کے حوالے سے سندھ حکومت کی ٹال مٹول تاحال جاری ہے اور لگتا ہے کہ کراچی آپریشن کی کمان وفاقی حکومت کے سنبھالنےکا ارادہ ہے۔

وزیراعلیٰ سندھ سید قائم علی شاہ نے رینجرزکےخصوصی اختیارات کی سمری پر تا حال دستخط نہیں کئے ہیں جس کے بعد سندھ میں رینجرزکو حاصل خصوصی اختیارات ختم ہوگئے ہیں۔

وفاقی وزیرداخلہ چوہدری نثار نے کہا ہے کہ موجود صورتحال میں رینجرزکوواپس بلایا جاسکتا ہے۔ انہوں نے بتایا کہ وفاقی حکومت نے سندھ حکومت سے اس معاملے پر دو مرتبہ رابطہ کیا تاہم ان کی جانب سے کسی سنجیدہ ردعمل کا اظہارنہیں کیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top