The news is by your side.

Advertisement

رینجرزاورسی ٹی ڈی سے مقابلے میں مارے گئے 3 دہشت گردوں کی شناخت

کراچی : بلدیہ ٹاؤن میں گزشتہ روز رینجرز اور سی ٹی ڈی سے مقابلے میں مارے گئے تین دہشت گردوں کی شناخت ہو گئی۔ امن دشمنوں کا تعلق کالعدم ٹی ٹی استاد اسلم گروپ سےتھا۔

تفصیلات کے مطابق گزشتہ روز بلدیہ ٹاؤن کراچی میں رینجرز اور سی ٹی ڈی کے آپریشن کے دوران مقابلے میں تین دہشت گرد ہلاک کردیئے گئے تھے۔

ہلاک ہونے والے دہشت گردوں کی مولوی عبدالکریم سواتی عرف مفتی، یوسف عرف شہزاد عرف نعمان برمی اور محمد احمد عرف مولوی عبداللہ برمی کے نام سے شناخت ہوگئی ہے، ہلاک شدگان کا تعلق کالعدم ٹی ٹی پی استاد اسلم گروپ سے تھا۔

فائرنگ کے تبادلے میں دو رینجرز اورایک سی ٹی ڈی اہلکار زخمی ہوئے، تاریکی کا فائدہ اٹھا کر کچھ دہشت گرد فرار ہونے میں کامیاب ہوگئے تھے جن کی تلاش کیلئے چھاپے مارے جارہے ہیں۔


مزید پڑھیں: بلدیہ ٹاؤن میں رینجرزاورسی ٹی ڈی کا دہشتگردوں سے مقابلہ، تین ہلاک


ہلاک دہشت گردوں کے قبضے سے دو خود کش جیکٹیں، بلاک بم، دو آئی ای ڈیز ،دو ایس ایم جیز اور دیگر اسلحہ برآمد کیا گیا تھا۔

سی ٹی ڈی کی کاررروائی، کالعدم تنظیم کا کارندہ گرفتار

علاوہ ازیں سی ٹی ڈی نے خفیہ اطلاعات پر سہراب گوٹھ میں کارروائی کرتے ہوئے ایک خطرناک دہشت گرد گرفتار کرلیا ہے۔

 ایس ایس پی سی ٹی ڈی مینیر شیخ کے مطابق گرفتار دہشت گرد کی شناخت محمد اسماعیل کے نام سے ہوئی ہے، ملزم لوگوں میں مذہبی لٹریچر فراہم کرتا تھا، گرفتار دہشت گرد اشتہاری ملزم بھی ہے جس سے ممنوعہ لٹریچر اور نوٹ پیڈ بھی برآمد کرلیا گیا ہے۔

ایس ایس پی مینر شیخ کا مزید کہنا تھا کہ کراچی میں کالعدم تنظیم کا ایک گروپ ٹی ٹی پی کو فنٖڈنگ کرتا ہے، گرفتار دہشت گرد دکانداروں سے بھتہ وصولی کے ساتھ ساتھ دیگر سنگین وارداتوں میں بھی ملوث رہا ہے جبکہ پولیس کی جانب سے ملزم کے دیگر ساتھیوں کی گرفتاری کے لئے چھاپے مارے جارہے ہیں۔

Print Friendly, PDF & Email

Comments

comments

یہ بھی پڑھیں