The news is by your side.

Advertisement

رینجرزمقابلہ میں زخمی ڈاکو سابق پولیس اہلکار نکلا، اسلحہ و موبائل فون برآمد

کراچی : طارق روڈ پر رینجرز سے مقابلے میں زخمی ہونے والا ڈاکو سابق پولیس اہلکار نکلا، ملزم احسان کو مجرمانہ سرگرمیوں پر پولیس کی نوکری سے برطرف کردیا گیا تھا، ملزم کا پولیس کارڈ بھی جعلی نکلا۔

پیر کو کراچی کے علاقے طارق روڈ اللہ والی چورنگی پر موجود رینجرز اہلکاروں نے ڈکیتی کے بعد فرار ہونے والے ڈاکوؤں کو رکنے کا اشارہ کیا تو ملزمان نے رینجرز پر فائرنگ کر دی۔

گولی لگنے سے ایک رینجرز اہلکار محمد طارق زخمی ہوا، جوابی کارروائی میں ملزم احسان شدید زخمی ہوگیا جبکہ اس کا ساتھی فرار ہونے میں کامیاب ہوگیا۔

اس کے علاوہ ڈاکوؤں کی فائرنگ سے ایک شہری رب نواز جاں بحق ہوا جبکہ ایک شہری توقیر بھی زخمی بھی ہوا ہے، جائے وقوعہ سے موٹرسائیکل، پستول اورچار چھینے گئے موبائل فون برآمد ہوئے، ملزمان کے زیر استعمال موٹرسائیکل گزشتہ سال بہادرآباد کے علاقےسے چھینی گئی تھی۔

مزید پڑھیں: کراچی، رینجرز سے مقابلہ، ایک ڈاکو گرفتار جبکہ ڈاکوئوں کی فائرنگ سے شہری جاں بحق

رینجرز مقابلہ میں گرفتار زخمی ملزم کا کرمنل ریکارڈ سامنے آگیا، ملزم احسان سابق پولیس اہلکار تھا اس کو مجرمانہ سرگرمیوں پر نوکری سے برطرف کر دیا گیا تھا، بعد ازاں اس نے جعلی پولیس کارڈ کے ذریعے لوگوں کو لوٹنے کا سلسلہ جاری رکھا، احسان کے خلاف مختلف تھانوں میں کئی مقدمات درج ہیں۔

خیال رہے کہ گذشتہ دنوں شہر قائد کے علاقے شرافی گوٹھ کے قریب پولیس نے مقابلے کے بعد 2 ملزمان کو گرفتار کرکے اسلحہ برآمد کرلیا تھا۔

Comments

comments

یہ بھی پڑھیں