site
stats
پاکستان

کراچی: اختیارات میں منظوری کے بعد رینجرز کی ہیلپ لائن بحال

کراچی: سندھ کابینہ کی جانب سے خصوصی اختیارات میں توسیع کے بعد رینجرز کی تمام ہیلپ لائن سروسز بحال کردی گئیں۔

رینجرز ذرائع کے مطابق واٹس ایپ، ای میل اور ہیلپ لائن کو فوری طور پر بحال کردیا گیا ہے جس کے بعد اب شہری کسی بھی مشتبہ شخص یا جرائم پیشہ افراد کے بارے میں آگاہ کرسکتے ہیں۔

وزیر اعلیٰ سندھ نے رینجرز کو خصوصی اختیارات دینے کی سمری پر دستخط کردیئے جس کے بعد رینجرز نے شہر بھر میں موجود چیک پوسٹیں سنبھالنے کی تیاری کرلی، رینجرزسٹرکوں پر اسنیپ چیکنگ اور جرائم پیشہ افراد کے خلاف کارروائیوں کا آغاز کرے گی۔

پڑھیں: ’’ سندھ کابینہ کا اجلاس: رینجرز کے اختیارات میں توسیع کی مںظوری ‘‘

یاد رہے رینجرز کے خصوصی اختیارات رواں ماہ کی 15 تاریخ کو ختم ہوگئے تھے جس کے بعد سندھ حکومت نے آئندہ کے لیے اختیارات پنجاب کی طرز پر دینے کا فیصلہ کیا تھا۔

سیکریٹری داخلہ سندھ نے پنجاب حکومت کو خط لکھ کر رینجرز کو اختیارات دینے کی تفصیل بھی طلب کی تھی اور سندھ رینجرز کےسربراہ سے کارکردگی رپورٹ بھی طلب کی تھی۔

سندھ کابینہ کے آج ہونے والے اجلاس میں سیکریٹری داخلہ نے بریفننگ دی جس پر وزیراعلیٰ نے رینجرز کی کارکردگی کو سراہتے ہوئے اُن کی خدمات کا اعتراف کیا اور مشاورت کے بعد خصوصی اختیارات میں نوے دن کی توسیع کی منظوری دے دی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top