site
stats
پاکستان

رینجرز اختیارات: سندھ حکومت کا وفاق کے احکامات ماننے سے انکار

کراچی : سندھ رینجرز کے اختیارات کے معاملے پر سندھ حکومت نے وفاقی حکومت کے احکامات نہ ماننے کا فیصلہ کیا ہے۔ رینجرز کو اختیارات دینے کا نوٹی فکیشن دینے کے بجائے وفاقی حکومت کو اختیارات کے حوالے سے ایک با ر پھر خط لکھنے پر اتفاق کیاگیا ہے ۔

تفصیلات کے مطابق وزیراعلیٰ سندھ سید قائم علی شاہ کی صدارت رینجرز کے اختیارات کے حوالے سے ایک مشاورتی اجلاس وزیراعلیٰ ہاؤس میں ہوا جس میں آئینی و قانونی ماہرین اور اعلیٰ حکام شریک ہوئے۔

اجلاس میں رینجرز کے اختیارات کے حوالے سے تفصیلی غور کیا گیا، وزیراعلیٰ سندھ نے واضح طور پر افسران کو ہدایت کی ہے کہ وہ وفاقی حکومت کے رینجرز کے اختیارات کے حوالے سے احکامات کو منظور کرنے کے بجائے جوابی خط وفاقی وزارت داخلہ کو لکھا جائے ۔

وزیراعلیٰ سندھ نے کہا ہے کہ خط  میں یہ ایک بار پھر بتایا جائے کہ وفاقی حکومت کے خواہش کے مطابق رینجرز کو اختیارات نہیں دیئے جاسکتے۔

سندھ حکومت رینجرز کو اختیارات غیر مشروط طور پر سندھ اسمبلی کی قرارداد کے مطابق ہی دے گی اور چیف سیکریٹری سندھ کویہ بھی کہا گیا ہے کہ وہ خط میں اٹھارویں ترمیم کے بعد صوبائی خودمختاری کے بارے میں بھی وفاق کو لکھے اورجو صوبے کو آئینی اختیارات ہیں اس کا ذکر بھی خط میں کیا جائے۔

انہوں نے کہا کہ حکومت کو واضح پیغام دیا جائے کہ رینجرز کو اختیارات سندھ اسمبلی کی قرارداد میں عائد پانچ شرائط کی روشنی میں ہی دیئے جائیں گے، جس کیلئے وفاق اپنے موقف میں تبدیلی لائے اور سندھ حکومت کی بھیجی ہوئی سمری کو منظور کرے جس کے بعد ہی رینجرز کو اختیارات دیئے جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top