کراچی : رینجرز نے عسکری ونگ کے سیکٹرانچارج کےگھرپرچھاپہ مار کر واش روم کی خفیہ دیوارتوڑ کربھاری مقدار میں اسلحہ اورگولیاں برآمد کرلیں، چھاپے میں سیکٹرانچارج کے گھرسے دوٹارگٹ کلرز کوبھی گرفتارکیاگیا۔
تفصیلات کے مطابق رینجرز نے کراچی کے علاقے باغ کورنگی کے ایک گھر پر چھاپے کے دوران واش روم کی خفیہ دیوار توڑ کر اسلحہ برآمد کرلیا ۔
ترجمان رینجرز کے مطابق گھر سے ایک ایل ایم جی اور پندرہ ایس ایم جیز اور ہزاروں گولیاں برآمد ہوئیں ہیں، رینجرز حکام کے مطابق چھاپہ گرفتار ملزم کی نشاندہی پر مارا گیا۔
رینجرز نے چھاپے کے دوران گھر سے دو ٹارگٹ کلر بھی گرفتار کئے گئے۔ترجمان رینجرز کا کہنا ہے کہ اسلحہ شہر میں بدامنی کی بڑی کارروائی کے لئے چھپایا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں