mqm-london کراچی: کنوئیں سے ایم کیوایم لندن کا اسلحہ برآمد، دو ٹارگٹ کلرگرفتار
The news is by your side.

Advertisement

کراچی: کنوئیں سے ایم کیوایم لندن کا اسلحہ برآمد، دوٹارگٹ کلرگرفتار

کراچی: رینجرز نے کراچی کے علاقے ناظم آباد میں کارروائی کنوئیں سے ایم کیوایم لندن کے شرپسندوں کا چھپایا گیا اسلحے کا ذخیرہ برآمد کرلیا، اورنگی کے قبرستان سے برآمد ہونے والے بال بم کو ناکارہ بنادیا گیا، اورنگی ٹاؤن اور نیو کراچی سے ایم کیوایم لندن کے دو ٹارگٹ کلر پکڑے گئے۔

تفصیلات کے مطابق کراچی میں قانون نافذ کرنے والوں کی کارروائیاں جاری ہیں، ناظم آباد نمبر تین میں رینجرز نے کامیاب کارروائی کرکے کنوئیں کی کھدائی کے دوران چھیاسی آوان بم برآمد کرلئے۔

ترجمان رینجرز کے مطابق کھدائی کے دوران گولیاں اور اسلحہ بھی برآمد کیا گیا جو ایم کیوایم لندن کے شرپسندوں نے اعلیٰ قیادت کے حکم پر چھپایا تھا، یہ اسلحہ اورگولیاں آپریشن شروع ہونے سے پہلےچھپائی گئی تھیں۔

اورنگی ٹاؤن دس نمبر کے قبرستان میں قبر کی کھدائی کے دوران کریکر بم پھٹ گیا جس سے ایک شخص زخمی ہوا۔ پولیس نے قبرستان میں آپریشن کرکے جائے وقوعہ سے بال بم برآمدکرلیا جو دو سے تین ماہ پرانا تھا، پولیس نے بال بم کو ناکارہ بنادیا۔

علاوہ ازیں پولیس نے اورنگی ٹاؤن خلیل مارکیٹ میں کارروائی کرکے ایم کیوایم لندن کے ٹارگٹ کلر احسن عرف سونو کو گرفتار کرلیا۔ پولیس کا کہنا ہے کہ ملزم نے لسانی بنیاد پر متعدد افراد کی ٹارگٹ کلنگ کی ہے۔

 اس کے علاوہ نیوکراچی میں پولیس نے کارروائی کر کے ایم کیوایم لندن کا ٹارگٹ کلر گرفتار کرلیا، ملزم کی شناخت ارسلان عرف اچھوکے نام سےہوئی ہے، پولیس کے مطابق ملزم ارسلان قتل کی متعدد وارداتوں میں ملوث ہے۔

Comments

comments

یہ بھی پڑھیں