کراچی : شہر قائد کے مختلف علاقوں میں رینجرز نے کارروائیاں کرتے ہوئے چھتیس ملزمان کو گرفتار کرکے اسلحہ برآمد کرلیا۔
ترجمان رینجرز کے مطابق کارروائیاں احسن آباد،نصرت بھٹو کالونی،پورٹ قاسم،سلطان آباد ،فیڈرل بی ایریا اور دیگر علاقوں میں کی گئیں۔
کارروائیوں کے دوران حراست میں لئے گئے کالعدم تنظیم کے دہشت گرد اور مشتبہ افراد شامل ہیں، ملزمان کے قبضے سے اسلحہ بھی برآمد ہوا ہے۔
ترجمان رینجرز نے مزید بتایا کہ احسن آباد کے علاقے میں واٹر بورڈ انتظامیہ کے ساتھ مل کر غیر قانونی ہائیڈرنٹس کیخلاف بھی کارروائی کی گئی ہے۔
کاروائی کے دوران تین غیر قانونی ہائیڈرنٹس مسمار کئے گئے تمام زیر حراست افراد سے پوچھ گچھ جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں