The news is by your side.

Advertisement

گڈاپ میں رینجرزکی کارروائی،4دہشتگردہلاک

کراچی: شہر قائد کے علاقے گڈاپ میں رینجرز کی کارروائی میں چار دہشت گرد مارے گئے۔دہشت گردوں کے قبضے سے اسلحہ بھی برآمد کرلیاگیا۔

تفصیلات کےمطابق ترجمان رینجرز سندھ کے مطابق شہرقائد کے علاقےگڈاپ میں دہشت گردوں کی موجودگی کی اطلاع پر رینجرز نے چھاپہ مارا تو دہشت گردوں نے فرار ہوتے ہوئے فائرنگ شروع کردی۔

رینجرز کی جوابی کارروائی میں چار دہشت گرد موقع پر ہلاک ہوگئے،ترجمان رینجرز کا کہنا ہے کہ ہلاک ہونے والے دہشت گردوں کا تعلق کالعدم تنظیم سے ہے،

دہشت گردوں کی لاشیں اور اسلحہ رینجرز نے پولیس کی تحویل میں دے دیا جبکہ علاقے میں مزید دہشت گردوں کی موجودگی کے پیش نظر سرچ آپریشن جاری ہے۔

مزید پڑھیں: کورنگی میں فائرنگ، پولیس اہلکار جاں بحق

یاد رہے کہ گزشتہ روز کراچی کے علاقے کورنگی ڈھائی نمبر چینوٹ اسپتال کے قریب نامعلوم مسلح افراد نے فائرنگ کر کے کورنگی آر چوکی کے انچارج شہزاد کو گھر جاتے ہوئے نشانہ بنایا جس کے نتیجے میں وہ جاں بحق ہوگئے۔

واضح رہےکہ ایس ایس پی نے پولیس اہلکار کے جاں بحق ہونے کی تصدیق کرتے ہوئے قاتلوں کو جلد گرفتار کرنے کے احکامات جاری کردیے۔

Comments

comments

یہ بھی پڑھیں