رینجرزکی کارروائی : لیاقت آباد سے ایم کیو ایم کے تین دہشت گرد گرفتار -
The news is by your side.

Advertisement

رینجرزکی کارروائی : لیاقت آباد سے ایم کیو ایم کے تین دہشت گرد گرفتار

کراچی : پاکستان رینجرز سندھ نے کراچی کے علاقے لیاقت آباد میں کارروائی کرتے ہوئے تین دہشت گردوں کو گرفتار کرلیا، ملزمان سے بڑی تعداد میں اسلحہ بھی برآمد کیا گیا ہے۔

تفصیلات کے  مطابق کراچی میں جرائم پیشہ افراد کیخلاف قانون نافذ کرنے والے اداروں کی کاروائیاں کامیابی سے جاری ہیں۔ اس سلسلے میں رینجرز نے لیاقت آباد میں ایک کامیاب کارروائی کی ہے۔


Three terrorists of MQM (London) arrested by arynews

سندھ رینجرز کی جانب سے جاری کردہ اعلامیہ کے مطابق گرفتار ہونے والے ملزمان ریحان علی عرف چکنا، زبیر عرف اچھو، اور جاوید کا تعلق ایم کیو ایم لندن سیکریٹیریٹ سے ہے جو شہر میں ٹارگٹ کلنگ کی متعدد وارداتوں میں ملوث ہیں۔

ترجمان کے مطابق ملزمان کے قبضے سے برآمد ہونے والے اسلحے میں چار عدد 303 بور رائفل، ایک عدد ایس ایم جی، ایک عدد بارہ بور رائفل، 2222 راؤنڈ، اور بائیس عدد ایس ایم جیز کے میگزین شامل ہیں۔

ترجمان کا کہنا ہے کہ مذکورہ ملزمان کو مزید قانونی چارہ جوئی کیلئے پولیس کے حوالے کیا جارہا ہے۔

 

Comments

comments

یہ بھی پڑھیں