The news is by your side.

Advertisement

رینجرز سےمقابلہ، کالعدم لبریشن آرمی کےتین دہشت گرد ہلاک

کراچی : رینجرز سےمقابلے میں سنگین وارداتوں میں ملوث کالعدم لبریشن آرمی کے تین دہشت گرد مارے گئے اور ایک زخمی حالت میں پکڑاگیا۔

تفصیلات کے مطابق حب میں چینی باشندوں کے قتل میں ملوث تین دہشت گرد اپنے انجام کو پہنچ گئے۔ مذکورہ دہشت گرد گذشتہ رات اسماعیل شاہ مزار کے قریب مقابلے میں مارے گئے۔ جس کی ترجمان رینجرز نے تصدیق کردی ہے۔

اطلاعات کے مطابق کراچی میمن گوٹھ میں اسماعیل شاہ مزار کےقریب رینجرز جوانوں نےدہشت گردوں کی موجودگی کی اطلاع پرعلاقے کو گھیرے میں لیاتو ملزمان نے اپنی کمین گاہوں سےرینجرز پر فائرنگ کردی۔

جوابی کارروائی میں تین دہشت گردہلاک ہوگئے۔دہشت گردوں کی شناخت زاہد،ناصر اورحبیب عرف فوجی کے نام سے ہوئی، مقابلے میں ایک ملزم الہیٰ بخش عرف گڈو زخمی حالت میں پکڑاگیا۔

ترجمان رینجرز کے مطابق دہشت گرد چینی باشندوں کےقتل اور گھاروریلوے ٹریک دھماکے سمیت ٹارگٹ کلنگ جیسی سنگین وارداتوں میں ملوث تھے۔

Comments

comments

یہ بھی پڑھیں