site
stats
پاکستان

بھارت کی طرح پاکستان بھی دہشت گردی کا شکارہے،بھارتی وزیرداخلہ

نئی دہلی : بھارتی وزیرداخلہ راج ناتھ سنگھ نے کہا ہے کہ بھارت کی طرح پاکستان بھی دہشت گردی کا شکارہے۔ دہشت گردی کے خاتمے کے لئے متحدہوکرکام کرنا ہوگا۔ پاکستان سے خوشگوارتعلقات چاہتے ہیں۔

ان خیالات کا اظہار بھارتی وزیرداخلہ راج ناتھ سنگھ نے نئی دہلی میں پاکستان رینجرز کے وفد سے ملاقات کے موقع پر کیا، ڈی جی رینجر پنجاب میجر جنرل عمر فاروق برکی کی قیادت میں پاکستانی وفد نے بھارتی وزیر داخلہ راج ناتھ سے ملاقات کی۔

ملاقات میں کنٹرول لائن پر بلااشتعال فائرنگ اور کشیدگی کا معاملہ اٹھایا گیا اور توجہ طلب امورپر بات چیت بھی کی گئی، راج ناتھ سنگھ نے کہا کہ بھارت مختلف سطح پرپاکستان سے مذاکرات کرنا چاہتا ہے۔ بدقسمتی سے دونوں ملکوں کے سلامتی مشیروں کے درمیان ملاقات نہیں ہوسکی تاہم بھارت پاکستان سے خوشگوارتعلقات چاہتا ہے۔

انہوں نے کہا کہ بھارتی فوج سرحد پرپہلی گولی فائر نہیں کرے گی۔ پاکستان کو یقینی بنانا چاہئیے کہ دہشت گرد اس کی سرزمین سے بھارت میں داخل نہ ہوسکیں۔ملاقات میں کنٹرول لائن پربلااشتعال فائرنگ سمیت دیگرمعاملات پرتبادلہ خیال کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top