کراچی میں رینجرزکی کارروائی: ایم کیوایم لندن کا اسلحہ برآمد -
The news is by your side.

Advertisement

کراچی میں رینجرزکی کارروائی: ایم کیوایم لندن کا اسلحہ برآمد

کراچی : رینجرز نے کارروائی کرکے ایم کیوایم لندن کا اسلحہ برآمد کرلیا۔ محمود آباد کے قریب ڈاکو شہریوں کو لوٹ کر فرار ہوگئے۔

تفصیلات کے مطابق کراچی میں رینجرز کی تابڑ توڑکارروائیاں جاری ہیں۔ رینجرز نے نارتھ کراچی میں کارروائی کرکے چھپایا گیا اسلحے کا ذخیرہ برآمد کرلیاجو نارتھ کراچی عید گاہ گراؤنڈ میں واقع ایک کمرے اور اس سے متصل کچرا کنڈی میں چھیا یا گیا تھا۔

اسلحے میں ایل ایم جی،ایس ایم جی،آوان بم اور گولیاں شامل ہیں، ترجمان رینجرز کے مطابق یہ اسلحہ ایم کیوایم (لندن) سیکریٹریٹ کے شرپسند عناصر نے شہر میں بدامنی پھیلانے کے لیے چھپایا تھا۔

علاوہ ازیں ماہ رمضان میں اسٹریٹ کریمنل بھی سرگرم ہیں۔ محمود آباد میں مسلح افراد نے شہریوں کو موبائل فون اور نقدی سے محروم کردیا۔


مزید پڑھیں : رینجرز اور رکن قومی اسمبلی پر حملے میں ملوث ایم کیو ایم لندن کا کارکن گرفتار


پاکستان بازار میں پولیس نے کارروائی کرکے تین ملزمان کو دھرلیا۔ گرفتار ملزمان سے اسلحہ برآمد کیا گیا، ملزم کی گرفتاری پر پولیس نے پانچ لاکھ روپے انعام مقرر کر رکھا تھا۔


مزید پڑھیں : ایم کیو ایم لندن کے چار ٹارگٹ کلر گرفتار،اسلحہ برآمد


ملزم سے اسلحہ اور دستی بم برآمد ہواہے۔ گرفتار ملزم قتل، پولیس مقابلوں، اغواء برائے تاوان سمیت دیگر جرائم میں ملوث ہے۔

Comments

comments

یہ بھی پڑھیں