site
stats
سندھ

پرانی سبزی منڈی کے قریب رینجرز کاسرچ آپریشن، 30 گرفتار

کراچی : پرانی سبزی منڈی کے قریب رینجرز نے سرچ آپریشن کرکے تیس مشتبہ افراد کو حراست میں لے لیا۔ ملزمان سے بھاری تعداد میں اسلحہ بھی برآمد کیا گیا ہے۔

تفصیلات کے مطابق رینجرز نے کراچی کے علاقے پرانی سبزی منڈی کے قریب جرائم پیشہ افراد کی موجودگی کی اطلاع پرسرچ آپریشن کیا۔

علاقے کے داخلی اور خارجی راستے بند کردیئے گئے جبکہ گھر گھر تلاشی کے دوران تیس مشتبہ افراد گرفتار کئے گئے۔

رینجرز نےجرائم پیشہ افراد کے ٹھکانوں کو بھی مسمار کردیا۔ آپریشن کے باعث حسن اسکوائر سے لیاقت آباد جانے والی سڑک بندکردی گئی۔

گھر گھر تلاشی کے عمل میں خاتون رینجرزاہلکاروں نے بھی حصہ لیا۔ گزشتہ روز ڈی جی رینجرز میجر جنرل بلال اکبر نے اجلاس کے دوران رینجرز کو شہر میں آپریشن مزید تیز کرنے کی ہدایت کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top