لاہور: وزیر قانون پنجاب رانا ثناء اللہ نے کہا ہے کہ پنچاب میں دہشت گردوں کے خلاف آپریشن انٹیلی جنس بنیادوں پر پوری طاقت کے ساتھ جاری ہے اور اس میں قانون نافذ کرنے والے ادارے حصہ لے رہے ہیں۔
اے آر وائی نیوز سے خصوصی گفتگو کرتے ہوئے رانا ثناء اللہ نے کہ کہ پنچاب میں دہشت گردوں کے خلاف آپریشن جاری ہے اوار اس میں رینجرز سمیت دیگر قانون نافذ کرنے والے ادارے حصہ لے رہے ہیں۔
انہوں نے کہا کہ پنجاب میں آپریشن پوری طاقت کے ساتھ انٹیلی جنس بنیادوں پر کیا جارہا ہے، جس جگہ پر بھی دہشت گردوں کی موجودگی کی اطلاع ملے گی وہاں بلا امتیاز کارروائی کی جائے گی۔
پڑھیں: ’’ پنجاب میں رینجرز کو اختیارات کی باقاعدہ منظوری ‘‘
رانا ثناء اللہ نے مزید کہا کہ جنوبی پنجاب سمیت پورے صوبے میں دہشت گردوں کے خلاف شروع کیے جانے والے آپریشن کو منطقی انجام تک پہنچایا جائے گا، آپریشن کے دوران بارڈر ایریاز پر خصوصی فوکس کیا جارہا ہے۔
یاد رہے ملک میں حالیہ دہشت گردی کی لہر کے بعد سیاسی اور عسکری قیادت نے پنجاب میں رینجرز اختیارات کو دینے پر رضامندی ظاہر کرتے ہوئے خصوصی اختیارات دیے ہیں۔
مزید پڑھیں: ’’ لاہور: آرمی چیف کی زیر صدارت اہم اجلاس ‘‘
کچھ دیر قبل پنجاب آپریشن سے متعلق آرمی چیف آف اسٹاف کی زیر صدارت اعلیٰ سطح کا اجلاس کیا گیا جس میں ڈی جی رینجرز پنجاب، کورکمانڈر سمیت دیگر اعلیٰ فوجی حکام نے شرکت کی۔ آئی ایس پی آر سے جاری اعلامیے کے مطابق اجلاس میں ہونے والے فیصلوں سے جلد قوم کو باضابطہ آگاہ کیا جائے گا۔
