site
stats
پاکستان

کراچی میں پولیس، رینجرزکی کاروائی، 30 افراد گرفتار

کراچی: شہرِقائد میں رینجرزنے کارروائیوں میں کالعدم تنظیم کے ٹارگٹ کلرسمیت اٹھائیس ملزمان کوگرفتارکرلیا، دوسری جانب پولیس نے کورنگی سے دو ملزمان کو گرفتارکرکے اسلحہ اورآوان بم برآمد کرلیاہے۔

ترجمان رینجرزکے مطابق ملزم ظہیراحمد عرف پیالہ کو گرفتار کیا گیا ہے جس نے سترہ افراد کی ٹارگٹ کلنگ کا اعتراف کیا ہے جن میں چھ پولیس اہلکار بھی شامل ہیں۔

رینجرز نے ناردرن بائی پاس برنس روڈ، بھٹائی آباد، آسو گوٹھ، مولا عیسی گوٹھ میں کارروائی کرکے لیاری گینگ وار اور بھتہ خور سمیت ستائیس ملزمان کو گرفتار کرکے اسلحہ برآمد کرلیا ہے۔

دوسری جانب کورنگی انڈسٹریل ایریا پولیس نے کارروائی کرتے ہوئے دو ملزمان کوگرفتار کرکے اسلحہ اور آوان بم برآمد کرلیا ہے۔

کراچی میں دہشت گردی اورشدت پسندی کے خاتمے کے لئے رینجرزکاآپریشن جاری ہے جس کے نتیجے میں اب تک کئی ٹارگٹ کلراوردیگرجرائم میں ملوث ملزمان کو گرفتارکیاجاچکا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top