The news is by your side.

Advertisement

کراچی : رینجرز اختیارات کا معاملہ، وفاق کا آرٹیکل148اور149کے استعمال پرغور

کراچی: رینجرز کو اختیارات دینے کے معاملے پر وفاق نے مختلف آپشنز پر غور شروع کردیا، سندھ حکومت نے از خود قدم نہ اٹھایا تو وفاق اقدامات کریگا.

کراچی میں رینجرز کو بے اختیار ہوئے دسواں روز ہے لیکن اختیارات دینے کا معاملہ اب تک تاخیر کا شکار ہے، حکومت سندھ کی تاخیر کے بعد وفاق نے عملی اقدامات پر غور شروع کردیا ہے.

ذرائع کے مطابق وفاق نے مُختلف آپشنز پر غور شروع کردیا گیا ہے، اس بات کا ذکر چوہدری نثار اپنی پریس کانفرنس میں کر چکے ہیں، ذرائع کا کہنا ہے کہ سندھ حکومت نے رینجرز کو آئین کے آرٹیکل ایک سو سینتالیس کے تحت اختیارات نہ دیے تو پھر وفاقی حکومت آرٹیکل 148 اور 149 کی آئینی دفعات نافذ کردے گی۔

دفعات کے نفاذ کے بعد رینجرز کو کارروائیوں کیلئے سندھ حکومت کی اجازت کی ضرورت نہیں ہوگی، آرٹیکل ایک سو اڑتالیس وفاق کو اندرونی خلفشار کو روکنے کیلئے کاروائی کی اجازت دیتا ہے، آرٹیکل ایک سو اننچاس کے تحت صوبائی حکومتیں وفاقی قوانین پر عملدرآمد کی پابند ہیں۔

وفاق صوبے میں عاملانہ اختیارات کے تحت حکم اور امن کیلئے کارروائی کی ہدایت دے سکتا ہے.

Print Friendly, PDF & Email

Comments

comments

یہ بھی پڑھیں