رینجرزاختیارات میں توسیع ہوگی یا نہیں،فیصلہ آج ہونے کا امکان -
The news is by your side.

Advertisement

رینجرزاختیارات میں توسیع ہوگی یا نہیں،فیصلہ آج ہونے کا امکان

کراچی :  رینجرزکو حاصل خصوصی اختیارات سے متعلق وزیراعلی ہاؤس میں آج اہم اجلاس طلب کرلیا گیا ہے ، جس میں رینجرزکی کارکردگی کاجائزہ لیاجائیگا۔        

تفصیلات کے مطابق کراچی میں رینجرزاختیارات سے متعلق آج سندھ کابینہ اہم فیصلوں سے متعلق سرجوڑے گی، اجلاس آج شام 4 بجے وزیر اعلیٰ ہاوس میں ہوگا، اجلاس کی صدارت وزیر اعلیٰ سندھ مرادعلی شاہ کریں گے۔

رینجرز کو اختیارات کس حد تک دینے ہیں یا کراچی کیلئے الگ اور اندرون سندھ کیلئے الگ؟ وزیراعلی مرادعلی شاہ آج کابینہ کے ساتھ مشاورت کریں گے جبکہ صوبائی وزیرقانون ضیاءالحسن آئینی نکتہ نگاہ سے کابینہ کوآگاہ کرتے ہوئے معاملے پر تفصیلی بریفینگ دیں گے۔

اجلاس میں کابینہ کے ارکان، سیکرٹری داخلہ اور سیکرٹری خزانہ شرکت کریں گے، سیکرٹری خزانہ آئندہ مالی سال کے بجٹ تیاری سے متعلق آگاہ کریں گے،کابینہ سیکرٹری خزانہ کی آگاہی کی روشنی میں آئندہ مالی سال کے بجٹ کے خد وخال کی مظوری دے گی۔


مزید پڑھیں : رینجرز اختیارات، فیصلہ کابینہ اجلاس میں کیا جائے گا


خیال ظاہر کیا جا رہا ہے کہ سندھ میں رینجرز کو اختیارات پنجاب کی طرح پر تفویض کیے جائیں گے اور اس سلسلے میں پنجاب حکومت نے جو نوٹیفیکیشن جاری کیا اس سے استفادہ کیا جائے گا اور پنجاب میں حاصل اختیارات سندھ میں بھی دیئے جائیں گے۔

واضح رہے کہ کراچی میں رینجرز کو حاصل خصوصی اختیارات کی مدت ختم ہوئے ایک ہفتہ ہوگیا، محکمہ داخلہ سندھ نے پانچ اپریل کو وزیر اعلیٰ سندھ مراد علی شاہ کو رینجرز کے خصوصی اختیارات میں نوے روز کی توسیع کیلئے سمری ارسال کی تھی، جو تاحال وزیر اعلیٰ کی منظوری کی راہ تک رہی ہے۔

اس سلسلے میں وزیر اعلیٰ سندھ کی صدارت میں ہونے والے اجلاس میں بھی کوئی فیصلہ نہیں ہوسکا اور اب یہ معاملہ سندھ کابینہ میں زیر بحث لایا جائے گا۔


مزید پڑھیں : رینجرز کے خصوصی اختیارات کی مدت ختم، توسیع کا فیصلہ نہ ہوسکا


زرائع کے مطابق گزشتہ دنوں سابق صدر آصف علی زرداری کے چار ساتھیوں کی گمشدگی پر سندھ حکومت سراپا احتجاج بنی ہوئی ہے،  جس کی وجہ سے سمری پر تاحال دستخط نہیں ہوسکے۔ 

واضح رہے کہ سندھ میں کارروائیوں پر سندھ حکومت تحفظات پر پہلے بھی رینجرز کو اختیارات دینے کا معاملہ لٹک گیا تھا، جس پروفاق کو رینجرزاختیارات کیلئے مداخلت کرنا پڑی تھی۔

 

Comments

comments

یہ بھی پڑھیں