site
stats
سندھ

گھوسٹ ملازمین کو فارغ کیا جائے وہ دہشت گردی میں ملوث ہیں،رینجرز اعلامیہ

کراچی: سندھ رینجرز کے ترجمان کی جانب سے جاری کردہ اعلامیہ میں خصوصی ہدایت کی گئی ہے کہ سرکاری ادارےمیں سیاسی یاعسکری تنظیم کےدفاترنہیں ہونے چاہئیں سرکاری اداروں میں قائم سیاسی و عسکری دفاتر کو فی الفور بند کردیا جائے۔

تفصیلات کے مطابق سندھ رینجرز کی جانب سے ایک اعلامیہ جاری کیا گیا ہے،اعلامیہ میں سرکاری اداروں میں سیاسی جماعت یا کسی عسکری ونگ کے دفاتر کے قیام پر فی الفور بند کرنے کی واضح ہدایات دی گئی ہیں۔
اعلامیہ کے مطابق اگر سرکاری اداروں سے سیاسی اور عسکری ونگ کے دفاتر بند نہیں کیے گئے تو تمام ذمہ داران کے خلاف سخت سے سخت کارروائی کی جائے گی۔

اعلامیہ میں مزید کہا گیا ہے کہ سرکاری اداروں میں موجودتمام گھوسٹ ملازمین کو فارغ کیا جائے کیوں کہ گھوسٹ ملازمین سیاسی عسکری تنظیم کے اثرو رسوخ کی بنیاد پر بھرتی کئے گئے ہیں جو دہشت گرد سرگرمیوں میں بھی ملوث ہیں۔

رینجرز حکام نے امید ظاہر کی ہے کہ ان فیصلوں پر عمل درآمد کرنے دہشت گردی کی علامت کو جڑسےاکھاڑ پھینکا جاسکے گا اس کے لیے عوام کیے تعاون کی بھی ضرورت ہے،رینجرز حکام نےعوام سے اپیل کی ہے کہ سرکاری اداروں میں موجود گھوسٹ ملازمین اور سرکاری اداروں میں قائم سیاسی و عسکری ونگ کی اطلاع ہیلپ لائن نمبر 1001 پردیں۔

رینجرز اعلامیے کے مطابق مندرجہ بالا فیصلے گزشتہ روز ایپکس کمیٹی کےاجلاس میں کیےگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top