کراچی، رینجرز کی مچھر کالونی میں کارروائی، 2 اغوا کار گرفتار، مغوی بازیاب rangers
The news is by your side.

Advertisement

کراچی، رینجرز کی مچھر کالونی میں کارروائی، 2 اغوا کار گرفتار، مغوی بازیاب

کراچی: سندھ رینجرز نے شہر قائد کے علاقے مچھر کالونی میں کامیاب کارروائی کرتے ہوئے 2 اغوا کاروں کو گرفتار کرکے مغوی کو بازیاب کروالیا۔

ترجمان رینجرز کے مطابق 19 جون کو سلیم خان نامی شخص کی ہیلپ لائن پر کال موصول ہوئی کہ ان کا بیٹا صبح 11 بجے سے لاپتہ ہے، جس کے اغوا کا شبہ بخت بیدار عرف چیرا اور اس کے بھائی عبدالحمید نامی شخص پر ہے۔

رینجرز کی آپریشنل اور انٹیلی جنس ٹیم کی جانب سے بروقت کارروائی کرتے ہوئے دونوں ملزمان بخت بیدار عرف چیرا اور عبدالحمید کو محمدی کالونی سے گرفتار کرکے مغوی لڑکے سمیع اللہ کو باحفاظت بازیاب کرالیا گیا۔

ترجمان رینجرز کے مطابق ملزمان نے سمیع اللہ کو رسیوں سے باندھا ہوا تھا اور اس کے چہرے پر تشدد کے نشانات بھی موجود تھے، دونوں ملزمان نے ابتدائی تفتیش کے دوران جرم کا اعتراف کیا ہے۔

ملزم بخت بیدار پر جیکسن اور ڈاکس تھانے میں پانچ ایف آئی آرز درج ہیں جبکہ ملزم کے بھائی عبدالحمید کو اغوا کے جرم میں سہولت کاری پر گرفتار کیا گیا ہے، دونوں ملزمان کو مزید قانونی چارہ جوئی کے لیے پولیس کے حوالے کردیا گیا ہے۔

دوسری جانب رینجرز نے کراچی کے مختلف علاقوں میں کارروائی کرتے ہوئے پانچ ملزمان کو گرفتار کرلیا، گرفتار ملزمان کے قبضے سے اسلحہ و منشیات برآمد ہوئی ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں